TL Hetan Apoiu Ambulansia 4WD hamutuk 38 Husi Governu Japão
Naunil Media (Dili), Governu Japão liu husi nia embaixador iha Timor-Leste apoiu kareta ambulansia 4WD mai Timor-Leste hamutuk 38, dadaun ne’e 22 maka to’o iha Timor-Leste no 16 sei tuir mai.
“Kareta Ambulansia 4WD hamutuk 38 ne’ebe durante ne’e ita hein, Foin lalais 22 to’o TL, no 16 mak sei tuir tan mai,” Dehan Embaixador Japão iha TL, Masami Kinefuchi, ba Jornalista sira, Iha Palaciu das Cinjas, Quarta, (12/05).
Embaixada Japão ne’e haktuir, deside ona hodi oferese programa asistensia oi-oin ho projetu sira seluk hodi suporta TL luta hasoru Covid-19.
“Ohin embaixada Japão entraga ekipamentus mediku nian oi-oin ho orsamentu hamutuk $16 Miliaun” Haktuir Nia.
“Ami sei esplora nafatin posibilidade ba asistensia adisional iha seitor saúde, aleinde pakote asistensia milliaun $.16 miliaun hakarak fo serteza katak, sempre iha hodi suporta povu rai ida ne’e, halo ida ne’e iha tinan 20 resin ona, ami sei kontinua halo ida ne’e iha futuru”, Tenik Embaixada Japaun Iha TL
Iha sorin seluk, Ministra Saúde Odete Maria Freitas Belo akresenta, Maske iha ambulansia foun, maibe sira mos sei haree ba ambulansia ne’ebe maka kondisaun di’ak hodi utiliza fali ba sentru saude balun.
“ita iha ambulansia foun maibe, ita mos hare ba ambulansia sira ne’ebe maka agora dadauk ne’e bele utiliza hela ne’e fo fila-fali ba sentru saúde sira ne’ebe maka sei presija ambulasiasira. Dehan Ministra Odete
Ministra VIII Governu ne’e informa, Ambulansia ne’e sufisiente ona, Maibe tenke halo jestaun nune’e bele jere ambulansia ho di’ak.
“ambulansi ne’e sufisiente, maibe ita halo jestaun ne’ebe maka di’ak ita bele rezolve problema ne’ebe iha, tanba la’os ambulansia de’it maka rezolve problema pasiente nian, maibe rekursus humanus no mediku sira, Maibe kada Munisipiu ida fo ambulansia ida tanba ita mos iha servisu autonomu ida, Sira maka sei halo jestaun ba iha ambulansia nian”, Tenik Ministra
Nia lori VIII Governu konstituisiol nia naran hato’o agradese ba Governu Japão ne’ebé ho espiritu voluntariu no amizade hodi koopera no tau atensaun ba servisu Nasional Saúde. Rit
