Tane Konsumidór ho Estudante Komunikasaun Sosial UNTL, ba Peskiza Folin-Sasan.

Fahe Tutan

Naunil Media (Díli), Tuir Jestor ekonomista Albertinha Soares Rodrigues, Hateten tane konsumidór sei hamutuk ho estudante komunikasaun sosial  Fakuldade Siensia Sosiais (FCS), Universidade Nasional Timor-Lorosa’e (UNTL) hodi halo peskiza ba folin sasan sira iha supermerkadu iha Díli laran.

“Tane komsumidor hamutuk ho estudante Universidade Nasionál Timor-Lorosa’e (UNTL), Fakuldade Siénsia Sosiais (FCS), Departamentu Komunikasaun Sosial(DKS), na’in 4 hodi halo peskiza ba folin sasan sira iha Díli ”, Albertinha Soares Rodrigues ba jornalista sira  edifisiu Vila-Verde,sesta, (14/05).

Nia hatutan, peskiza ne’ebe sira hala’o husi loron 26-30 fulan Abril, ba produtu sira iha loja Dili laran hamutuk 26, maibe loja 2 husi Pateo ho Qulina maka sira lahalo peskiza tanba sasan lakompletu no iha situasaun serka sanitaria entaun sasan latama.

“objetivu halo peskiza foka liu ba atu fahe informasaun ba komsumidór sira atu bele hetan loja ne’ebé mak baratu ba presu sasan nian, entaun produtu sira ne’ebe maka halo peskiza hamutuk 12 maka hanesan foos, trigu, mantolun, mantega, susu-been, naan manu, naan fahi, naan karau, ai-fuan, mina, masi midar “, Hateten nia.

Tane atu fó konselu ba ita hotu, bainhira atu ba sosa produtu sira ne’e tenke buka loja ne’ebe maka baratu, no toma atensaun expail date, nomos tau atensaun ba sasan nia presu ne’ebe maka iha tanba dalaruma iha produtu nia ne’e lahanesan ho folin iha kasir, entaun dalaruma sira manipula fali ho nia presu”, esplika nia.

Iha fatin hanesan reprezentante Diretór Departamentu Komunikasaun sosial Miguel Gonsalves akresenta, Departamentu komunikasaun apresia tebes ho kooperasaun ida ne’e, oinsa atu ajuda no promove komsumidór sira.Nomos liuhusi peskiza ida ne’e atu aumenta estudante sira nia kapasidade hodi aprende buat foun.

Husi Departamentu apresia tebes ho koperasaun ida ne’e, ba oin ita bele promove liu tan komsumidór sira nomos ami-nia estudante sira nia estajiu ne’e mos bele aprende hodi halo sosializasaun no sira bele aprende konaba saida maka advokasia”, Nia haforsa.

Dosente ne’e salienta, Ba oin karik iha oportunidade estudante estajiariu sira bele hala’o estajiu hodi bele promove liu tan sira nia konesementu. Rit/Pau

Leave a Reply

Your email address will not be published. Required fields are marked *