FEATUREDIkus LiuJustisaNews

MJ Haruka Ona Lista -Dadur 58, ba PR Hodi Hetan Indultu

Fahe Tutan

Naunil Media (Díli), Ministru Justisa (MJ siga portugés) Manuel Cárceres da Costa, Informa ministeiru justisa haruka ona lista dadur hamutuk 58 ba Prezidenti Repúblika (PR) Francisco Guterres ‘Lú Olo’ hodi bele hetan indultu iha loron 20 de Maiu 2021  restaurasaun independensia Repúblika Demoktratika Timor-Leste (RDTL) aniversáriu ba dala 19.

“Informa ba Primeiru Ministru katak ba loron 20 de Maiu 2021 ne’e guvernu liu husi Ministeriu  Justisa hatama ona pedidu indultu hamutuk 58 ba Prezidente Repúblika. “Ita hein iha loron 20 de Maiu 2021, tuir lei sua ezselensia Prezidenti Repúblika (PR) Francisco Guterres ‘Lú Olo’ sei fó indultu ba ita nia maluk prizeneiru sira ne’ebé ke priense ona rekizitus atu hetan indultu”, Informa Ministru Justisa Manuel Cárceres da Costa ba Jornalista hafoin sorumutuk ho Primeiru Ministru (PM) Taur Matan Ruak iha Rezidensia Farol, segunda (17/05).

Governante ne’e hatete, prizaun desde serka sanitaria  ne’e hahu desde Abríl prizaun ne’e la simu vizita, ema sira ne’ebé mak ba halo asistensia umanitariu urjente médiku, amo lulik ba fó mina sarani, fó konfesa ba dadur sira ne’ebé mak moras iha ne’ebá urjente ne’e oin seluk.

“mais familia ha’u husu deskulpa ita kontrola lai situasaun iha prizaun hanesan mós maluk guarda prizional sira ne’e halo turnu la’ós serbisu dader loraik ne’e lae sira iha ne’ebá ne’e semana ida depois semana rua sira hela iha sira nia uma grupu seluk mak ba serbisu para depois ita hakotu took korenti infeksaun, ita bele haree ita nia maluk sira” Nia informa.

 Ikus liu, nia dehan Primeiru Ministru mós fó ona orientasaun ba Ministru para atu ko’alia ho parte saúde haree took vasina ba maluk sira iha prizaun tanba aimoruk laiha hotu-hotu tenke liu husi vasina de’it mak bele trava situasaun propagasaun virus ida ne’e.*Jos

Leave a Reply

Your email address will not be published. Required fields are marked *