Prizaun Covalima iha Sala Izolamentu ba Dadur Sira
Naunil Media (Díli), Ministru Justisa (MJ sigla portugés) Manuel Cárceres da Costa, Hateten (MJ) hamutuk ho administradór munisípiu Covalima, komandante polisia nasionál Timor-Leste PNTL munisípiu Covalima no Kordenador sala situasaun Covalima konsege indentifika ona sala ida sai sentru izolamentu ba dadur sira iha Covalima
“Ha’u sesta feira ba iha ne’ebá ha’u ba hamutuk ho guarda prizional sira hamutuk autoridade sira iha ne’ebá administradór Munisípiu komandante PNTL municipio Covalima, no mós kordenador sala situasaun iha Cova-lima, ami konsege identifika sela ida halo hanesan sentru izolamentu ne’ebé iha sala ida, sala ne’e agora dadauk ita nia maluk dadur nain 29 ne’e mak okupa hela, sira restu negativu ne’e sira iha sira nia fatin sala sira iha Prizaun laran ne’e”, Hateten Ministru Justisa Manuel Cárceres da Costa ba Jornalista hafoin sorumutuk ho Primeiru Ministru (PM) Taur Matan Ruak iha Rezidensia Farol, segunda (17/05).
Governantes ne’e hatutan, iha Suai dadur hamutuk 101 i iha guarda prizional 40, husi 101 dadur ne’e to’o ohin loron loraik sira 29 mak pozitivu ba Covid-19, Husi guarda prizional 40 ne’e nain 8 mak pozitivu no nain 8 pozitivu ne’e iha hotu ona izolamentu prizaun Suai.
Nia dehan, Tanba guarda prizional sira tama sai Prizaun fila ba sira nia familia ne’ebé so aban mak sira ba halo teste swab iha ne’ebá, Iha ne’ebá iha dadur hamutuk 117 i guarda prizional hamutuk 35 ne’e iha prizaun Gleno ninian.*Jos
