İnan Fó-Oan ba Uma-Nain, Akademista UNTL Camilo Reprezenta-Povu Labele-Defende Eru-Governu
Naunil Media (Díli), Relasiona ho publisaun husi media GMNTV iha loron 16/05 kona-bá ema fó nia oan ba uma nain (kost) tanba implika husi surtu Covid-19, maibe reprezentante povu iha uma fukun Parlamento Nasionál husi Bankada KHUNTO la fiar ema fó nia oan ba uma kost, akademista Dekanu Fakuldade siénsia sosiais, universidade nasionál Timor Lorosa’e (FCS-UNTL) Camilo Ximenes Almeida konsidera, reprezenta povu iha parlamentu nasionál labele defende eru governu nian.
“Ha’u hanoin nuudar representa povu la devia halo deklarasaun politíka hodi defende buat ne’ebé la los, maibe prezisa investiga no karik possível halo primeira sokoro (ajuda) saida mak ema koalia laos inventa husi ema ruma maibe realidade hatudu katak ema ne’e mak halo deklarasaun rasik nune’e nuudar representa povu la prezisa defende eru husi governantes sira nian”, Hateten Dekanu (FCS-UNTL) Camilo Ximenes Almeida ba Naunil Media via whatsapp tersa, (18/05).
Relasiona ho situasaun real ne’ébé povu hasoru, nia parte husu ba governu atu hapara ona Serka Sanitária (SS) no aplika de’it estadu emerjénsia (EE), nune’e bele normaliza fila fali atividade povu nian.
Ha’u hanoin di’ak liu serka sanitária (SS) hapara tiha, hodi iha de’it estadu emerjénsia (EE) hodi ema bele halo atividade normal depois mak governu kontrolu, se lae iha (SS) ezijensia husi sosiedade no kuase governu laiha kapasidade atu bele kumpri saida mak sira promesa nune’e, di’ak liu hapara de’it ona (SS) hodi atividade normal fila fali, Hateten Manorin FCS-UNTL Camilo Ximenes Almeida.
Antes ne’e Deputada Olinda Guterres nia deklasaun politíka iha plenária uma fukun parmentu nasionál.
“Ha’u la fiar ema ida halo jaminan ‘fali ho ninia oan selu kost $ 35,” dehan xefe bankada Kmanek Haburas Unidade Nasionál Timor Oan (KHUNTO) Deputada Olinda Guterres, iha Plenaria Parlamentu Nasionál, segunda (17/5). Lop
