Mensájen MAPKOMS ba Loron 20 De Maiu 2021 ba Povu-TL
Naunil media (Díli), Ministru Asuntu Parlamentares no Komunikasaun Sosial (MAPKOMS sigla portugés) Francisco Martins da Costa Pereira Jerónimo, hato’o Parabéns ba Povu Timor-Leste tomak ha Komemorasaun loron Restaurasaun Independensia Timor – Leste nian ba dala sanulu resin-sia, iha loron 20 fulan Maiu tinan 2021
“Iha komemorasaun tinan ne’e, ita hotu rekoñese, Pandemia Covid -19, ne’ebé sa’e maka’as iha ita nia rain no kalaminidade, loron 4 fulan Abril hatudu ita nia Nasaun iha situasaun difisil nia laran. Ita hotu mós rekoñese, propagasaun Covid-19, reduz atividade ekonómika kauza ba problema oioin iha moris familia no traballadór Timoroan sira nian”, Hateten Ministru Asuntu Parlamentares no Komunikasaun Sosial (MAPKOMS sigla portugés) Francisco Martins da Costa Pereira Jerónimo ba jornalista sira iha Palásiu Governu, tersa (18/05).
Nia hatutan, ameasa ba kapasidade ekonómika empreza Timor oan tanba kauza husi dezastre Naturais iha loron 4 fulan abril tinan 2021, ne’ebé halakon ema nia vida no harahun infraestrutura fizika públika no privadu nian, inklui estrada, ponte no instalasaun sira ne’ebé prepara atu fó resposta ba kombate pandemia covid – 19 sai difisil liu tan.
“Ho problema sira ne’ebé ita nia Nasaun hasoru, Ita nia Estadu no Governu mós foti ona medida sira ho imediata hodi fó resposta ba estabiliza ekonómia, proteje saúde povu nian no konstroe fali ita nia infraestrutura sira”, Tenik eis deputadu Francisco Martins da Costa Pereira Jerónimo
Tanba ne’e ho espiritu
Restaurasaun Independénsia nian, mai ita tau forsa hamutuk hodi bele hakat liu
difikuldade sira ne’ebé ita nia nasaun hasoru dadaun ne’e, Nia subliña
Ikus liu, Parabéns Povu Timor – Leste ba Komemorasaun 20 de Maio tinan 2021. #Lop
