OMS Rekomenda TL Kumpri Nafatin Regra Prevensaun Covid-19
Naunil Media (Díli), Reprezentante Organizasaun Saúde Munidial iha Timor-Leste (OMS sigla ingles) Arvind Mathur, Informa husu ba povu Timor-Leste kumpri nafatin regras prevensaun Covid-19.
“Organizasaun Saúde Mundia (OMS) husu komunidade sira kontinua kumpre regra ne’ebé mak iha nune’e bele prevene Covid-19 iha rai laran, kontinua uza maskara, fase liman ho sabaun, no iha distansiamentu sosiál”, Informa reprezentante Organizasaun Saúde Munidial iha Timor-Leste (OMS), Arvind Mathur ba jornalista sira hafoin sorumutk ho Primeiru Ministru (PM) Taur Matan Ruak iha rezidensia Farol, tersa (18/05).
Nia hatutan, objetivu hasoru malu ho PM ne’e ba dauluk mak hodi responde ba Covid-19 ne’ebé mak iha rai laran ne’e no mós ho kazu agora aumenta dadauk oinsá mak haree ba dezafiu ne’ebé mak hasoru no oinsá mak buka solusaun hamutuk ho governu, Dehan nia.
“Depois objetivu ba daruak nia mak kona-bá vasina ne’ebé mak lao dadaun iha Munisípiu Díli no mós iha Munisípiu seluk”, Tenik nia.
Nia dehan, ami kontinua fó advokasia kona-bá medidas prevensaun hotu, laiha organizasaun ida mak hakarak iha rai laran ka nasaun ida kazu grave Covid-19 ka hamate ema barak, OMS apoiu iha maneira hotu iha prevensaun, izolamentu no mós halo kontaktu restreiu, laiha organizasaun ida ne’ebé hakarak nia ema mate, katak nia.
Ikus liu, nia dehan Bainhira komunidade sira lahalo tuir medidas ba prevensaun ba covid-19 nia mak kazu Covid-19 mós aumenta ba bebeik iha rai laran.
Dadaun ne’e Timor-Leste rejista komulativu kazu konfirmadu hamutuk 4765, kazu konfirmadu foun hamutuk 136, númeru kazu baiza hela hamutuk 2238, no mate 10, dadus palácio das cinzas .*Jos
