PM: Taur Triste Ataúro Oan Na’in 7 Mout iha Tasi-Laran
Naunil Media (Díli), Relasiona ho Ataúru oan na’in 7 ne’ebé mak mout ho bero iha tasi laran iha loron 15 fulan Abril 2021, hodi halakon ema na’in 4 no no na’in 3 salva vida no nai rua seidauk hetan isin mate, tanba ne’e Primeiru Ministru (PM), Taur Matan Ruak sente triste ba akontesimentu ne’e
“Ha’u sente triste no lamenta tebes wainhira rona notísia kona-bá bero mout iha tasi atu ba Ataúru, ne’ebé tula ita-nia sidadaun na’in 7, grasas a Deus na’in 3 konsege salva-an, infelizmente sira na’in rua mate hetan ona, no na’in rua seluk ita seidauk hatene nia paradeiru”, Hateten Primeiru Ministru (PM) Taur Matan Ruak liu husi Komunikadu imprensa iha Palásiu Governu, tersa (18/050.
Iha momentu difisil ida ne’e mós eis Prezidenti Repúblika Taur Matan Ruak, ho ha’u nia naran rasik no guvernu nia naran hato’o sentidu kondelensia ba família matebian sira.
Hodi ha’u-nia naran rasik no governu nia naran, hakarak hato’o profundas sentidas kondolénsias ba família matebian na’in rua nian, no apoiu solidariedade ba família na’in rua ne’ebé nia família seidauk hetan iha akontesimentu difisil ida ne’e, husu kontinua korajen, mai ita hasa’e orasaun ba Aman Maromak atu bele hatudu dalan hodi bele hetan lalais ita-nia maluk na’in rua ne’ebé seidauk hetan isin mate, Hateten Funu nain Taur Matan Ruak.
Ikus liu, nia apela mós ba Ataúru-oan sira, atu atensaun didi’ak ba klima tasi, molok atu hala’o viajen ho bero ki’ik ba Ataúru, atu labele akontese tan asidente, vida importante, nune’e husu kuidadu an.*Jos
