SEKOMS “AKARA” Loron 20 de Maiu 2021 Husu Povu-TL Halo-Reflesaun
Naunil Media (Díli), Sekretáriu Estadu Komunikasaun Sosiál (SEKOMS sigla portugés) Merício Juvinal dos Reis “AKARA”, Informa loron restaurasaun indefendensia 20 de Maiu de 2021 husu povu Timor-Leste halo reflesaun.
20 de Maiu 2021 loron restaurasaun independensia la’o kleur ona, agora ba dala sanulu resin sia, ha’u hanoin ita aproveita ita nia aniversáriu ida ne’e atu halo reflesaun klean kona-bá ita nia prosesu hotu hotu, prosesu hahú dadaun ne’e prosesu la’o oinsá ita atu lori ita nia nasaun ba tan ne’ebé, tantu hatene ba oin lori ita nia Nasaun, oinsá entaun ita hotu aproveita loron importante ida ne’e atu halo reflesaun ba ita nia nasaun”, Informa SEKOMS Merício Juvinal dos Reis “AKARA” ba jornalista sira iha Palásiu Governu, tersa (18/050).
Governante ne’e hatutan, loron independensia ba dala sanulu resin sia ida ne’e Ita tama iha situasaun ida ne’ebé la normál Ita infrenta problema oioin iha ita nia rai infrenta inundasaun dinamiku politíka ne’ebé mak akontese iha ita nia rai depois aumenta tan Covid-19 Ne’ebé mak ita labele livre atu halo selebrasaun maske nune’e lahamenus sentidu ka valor prinsipál husi ita nia loron independensia ida ne’e, ita ida-idak bele halo reflesaun klean no hatudu nafatin ita sentidu ne’e pertensia katak ita mak nain ba nasaun ne’e, ita mak Iha responsabilidade tomak atu lori ita nia Nasaun ba oin, Hateten SEKOMS AKARA.
“Sentimentu nasionalismu patriotismu mak ita tenke manifesta iha hahalok agora liuliu oinsá ita kontribui ba ita nia dezenvolvimentu nasionál partisipa prosesu dezenvolvimentu hotu-hotu, no dezenvolve nafatin unidade nasionál atu bele hasoru situasaun Covid-19 agora i hamutuk nafatin hodi lori ita nia Nasaun ba oin tanba ita nia mehi ida de’it prosperuedade ba ita nia populasaun ita nia nasaun tenke hanesan kualidade hanesan nasaun sira seluk”, Katak nia.
Nia dehan, hanesan membru nasoens unidas ita nia direitu hanesan entaun hanesan nasaun kiik, ita labele senti kiik ita nia hanoin hanesan populasaun iha nasaun sira seluk hodi dezenvolve ita nia rai, proteze ita nia nasaun, marka ita nia istória agora no futuru.
Ikus liu, nia dehan liafuan prinsipál husik ha’u mak tempu para halo reflesaun klean atu ita hatene tuir ita mai husi ne’ebé agora iha ne’ebé ita atu ba tan iha ne’ebé ida ne’e mak ha’u hanoin importante ita hotu bele halo. Ivo
