Semana Rua Tan, UNICEF Apoiu AstraZeneca Doses-Rihun 76,800 To’o iha-TL
Naunil Media (Díli), Reprezentante iha Timor-Leste United Nations Children’s Emergency Fund, (UNICEF single ingles) Bilal Aurang Durani, Hateten seman rua tan UNICEF apoiu nasina astraZeneca rihun 76,800 to’o iha Timor-Leste.
“Ohin iha enkontru ne’e ha’u koalia ona ba Primeiru Ministru katak iha semana rua mai tan Vasina ho tipu AstraZeneca ne’ebé apoiu husi UNICEFE hamutuk doses rihun 76,800 sei to’o Timor-Leste”, Reprezenta UNICEF iha TL Bilal Aurang Durani ba jornalista sira iha hafoin sorumutuk ho Primeiru Ministru ( PM), Taur Matan Ruak iha rezudensia Farol, tersa (18/05).
Nia informa, husu para Timor-Leste prepara ona fatin hodi rai vasina ho tipu AstraZeneca ne’e, antes to’o iha Timor-Leste, Tanba vasian ne’e presiza tau ba fatin ne’ebé mak malirin.
“Vasina ne’ebé UNICEF apoiu mai Timor-Leste laos implementa de’it ba komunidade sira iha nivel nasionál, maibe sei kobre hotu teritoriu tomak hanesan sentru saúde iha munisípiu sira, nune’e komunidade bele hakbesik ba hodi simu vasina”, Katak nia.
Ikus liu, nia dehan planu ne’ebé UNICEF iha tinan ida ne’e atu apoiu vasina astraZeneca mai Timor-Leste hamutuk doses rihun 527, 200, maibe iha faze dahuluk, iha semana rua mai vasina doses hamutuk rihun 76,800 sei to’o uluk, Nia hakotu.*Jos
