Tanente Lere: Hato’o Parabéns ba Loron 20 de Maiu 2021 Povu-TL
Naunil Media (Díli), Tanente jeneral Falintil Forsa Defeza Timor-Leste (F-FDTL) Lere Anan Timur hato’o parabéns ba loron 20 de Maiu 2021, loron aniversáriu restaurasaun independensia Repúblika Demokrátika Timor-Leste ba dala 19 ba povu tomak.
“Aban ita komemora loron aniversáriu restaurasaun indepedensia Repúblika Demokrátika Timor-Leste (RDTL), 20 de Maiu 2021 ba dala 19 , ha’u hato’o barabéns ba povu tomak no ba lider sira hotu”, Hateten Tenente Jeneral Lere Anan Timur ba Jornalista sira hafoin sorumutuk ho Prezidenti Repúblika (PR) Francisco Guterres ‘Lú Olo’ iha Rezidensia Farol, kuarta (19/05).
Funu nain ne’e hatutan, maske Timor-Leste ne’e nasaun ne’ebé mak kiik iha nasaun bo’ot nia klaran, maibé ohin loron Timor-Leste mós identifika nia aan katak Repúblika Demokrátika Timor-Leste (RDTL) iha mundu rai klaran.
Funu nain 24 anus Lere Anan Timur hateten Timor-Leste ohin loron hamriik ukun rasik aan ona ba dala 19, progresu tenke lao nafatin ba oin.
“Iha progresu mak hotu-hotu hakarak progresu lao ba oin, se mak hakarak lao ba
kotuk, iha kotuk mak labele, maibé iha
fatin lao nafatin, lao ba kotuk ne’e ita
atu rekopera fali ita nia pasu iha kotuk ne’e lori tempu ne’ebé ha’u hanoin
sempre iha kondisionalismu”, Tenik nia.
Situasaun hotu tantu pasadu ba prezente tenke sai referensia ba ema ukun nain hotu-hotu, Nia hakotu.*Jos
