Tanente Lere: Kandidatu PR Laos Gostu Maibé Responsabilidade

Naunil Media (Díli), Tanente jeneral Falintil Forsa Defeza Timor-Leste (F-FDTL) Lere Anan Timur, Hateten atu  kandidatu ba Prezidenti Repúblika (PR) iha tinan 2021, ne’e laos buka gostu, maibé responsabilidade.

“La’ós tuir ita nia gostu maibé ne’e idak-idak nia responsablidade, atu sai Prezidenti Repúblika ne’e responsablidade bo’ot ida, hanesan ohin ami nain rua prezidenti  koalia ne’e buat ne’e lá’os buat ida ne’ebé mak halimar”, Hateten Tenente Jeneral Lere Anan Timur ba Jornalista hafoin sorumutk ho Prezident Repúblika (PR) Francisco Guterres ‘Lú Olo’ iha Rezidensia Farol,  kuarta (19/05).

Lere hatutan, kandidatu ba Prezidente Repúblika ne’e to’o nia tempu mak hakarak ka lakohi ne’e sei iha nia tempu.

Nune’e mós iha mós imformasaun katak Lider Karismatiko Xanana Gusmão halo kontaktu ho Tanente Lere Anan Timur atu iha pakote uniku ida, maibé  nia hateten  seidauk hasoru Xanana.

 “Ha’u nia Avo Xanana ha’u nunka hasoru malu, dala ida mak ami hasoru malu iha Tasi Tolu ne’ebá ne’e,  por kazualidade laos ami konvida malu mak hasoru malu ne’e laiha ida, maibé ha’u mós iha kurizidade  ba bee ne’ebé katuas supa sai, ne’e mak ha’u mós ba ami rua hasoru malu ne’e maibé ami la koalia ba ida ne’e”, Dehan  funu nain Lere Anan Timur.*Jos