FEATUREDIkus LiuNewsPolitika

PR “Lú Olo”: Dezenvolvimentu Labele Depende de’it ba Fundu Minarai

Fahe Tutan

Naunil Media (Díli), Prezidenti Repúblika (PR) Francisco Guterres “Lú Olo”,  Hateten dezenvolvimentu labele depende de’it ba fundu minarai, maibé oinsá mak hetan mós rendimentu husi Fonte seluk. Xefe Estadu hato’o kestaun ne’e ba Jornalista sira liu husi mensajen 20 de Maiu iha Palásiu Prezidenti  Nicolau  Lobato bairu Pite, Kinta (20/05).

“Dezenvolvimentu labele depende de’it ba osan husi fundu minarai, maibé ita tenke buka mós oinsá hetan rendimentu husi fonte sira seluk, Orsamentu Jerál Estadu (OJE) nia previzaun ba despezas no reseitas tinan-tinan tenke rigorozu no transparente” Hateten PR “Lú OLo”.

Xefe estadu ne’e hatutan, dekretu husi Governu kona-bá ezekusaun Orsamentu Jerál Estadu tenke klaru liu ba ema sira ne’ebé implementa, tanba ne’e dekretu ezekusaun OJE tenke hakerek mós iha lian Tetum no simples atu implementadór sira bele kompreende ho di’ak, governu bele implemnta OGE ho rigor no transparénsia.

 “Molok remata, ha’u hakarak fó hanoin katak, liuhusi diálogu mak ita konsege hakotu funu no restaura ita-nia Independénsia Nasionál, iha 20 Maiu 2002. Nuudar País livre no independente, ita defende nafatin solusaun politíka pasifíka no negosiada atu hakotu kualker konflitu ne’ebé mosu entre rai rua ka entre rai barak, ho razaun ne’ebé de’it”, Tenik nia.

Prezidente Repúblika preokupa tebes ho konflitu violentu akontese dadaun  ita-nia  belun nasaun rua, Palestina no Israel,  Nia hakotu.*Jos

Leave a Reply

Your email address will not be published. Required fields are marked *