Autoridade Munisípiu Manufahi Apoia Nesesidade ba Kbiit-Laek Hodi-Komemora Loron Independensia
Naunil Media(Manufahi), Kinta Loron (20/05) autoridade munisípiu hamotuk ho sentru solidaridade sosiál inklui komisaun Covid-19 hodi hala’o asaun solidaridade ba família kbiit laek hamotuk ema na’in sanolu resin ida (11) iha suku Rotutu postu administrativu Same munisípiu Manufahi ho komemora loron 20 de Maiu Restaurasaun Independensia Repúblika Demokrátika Timor-Leste (RDTL) ba dala 19.
Tuir Administradór Munisipiu Manufahi Arantes Isaac Sarmento hateten, “komenmorasaun loron restaurasaun Independênsia ba tinan ida ne’e la realiza serimónia isar bandeira tanba pandémia Covid-19, maibé Administrasaun Munisípiu hamutuk ho sentru solidariadade sosiál, inklui komisaun Covid-19 Munisipiu Manufahi, hala’o asaun solidariadade sosiál apoiu foos ba famiía kbiit laek sira kada família hetan foos saku 2, hanesan ema ho defisíente no ferik katuas sira, nune’e bele motíva família kbi’it laek sira katak sira la moris mesak, maibé governu hamutuk ho ninia povu”, Hateten Administradór Munisipiu Manufahi Arantes Isaac Sarmento ba jornalista sira hafoin fahe sasan ba kbiit laek sira iha suku Rotuto postu administrative Same.
Arantes hatutan, solidariadade ne’e la’os foin realiza, maibé realiza ona iha suku balun iha munisípiu Manufahi, No sei kontinua apoiu ba familia kbi’it laek sira bazeia ba pedidu no dadus husi sefe suku no sefe aldeia sira bele aprezenta ba iha ministeriu Solidaridade sosial munisípiu para bele apoiu ba sira”, Dehan Arantes.
“Loron ida ohin hanesan loron komemorasaun 20 de Maiu, ida ne’e hanesan prezensa governu ninian mai iha komunidade hodi hare direitamente real ne’ebé sira hasoru hanesan balun difisiénsia no balun moras mental, maibé ida ne’e hatudu katak sira mós partensia ba nasaun ne’e no sira mós partensia ba povu manufahi, hanesan serverdor povu ida obrigatoriu atu tau matan ba sira”, Hateten Arantes Isaac Sarmento.
Nia deha, hala’o asaun solidariadade sosiál ne’e aproveita mós sensibiliza prevensaun balun liga ba Covid-19 hodi partilla informasaun ba komunidade kona-bá vantajén vasinasaun AstraZeneca ba prevensaun Covid-19, moras ida ne’e perigozu, ba ema nia moris.
Iha fatin hanesan sefe suku Rotutu José dos Santos, Sente orgullu maske ho situasaun Covid-19 buat hotu lalao, maibe ita nia família ho kondisaun ekonómia ne’ebé la sufisiente ba sira iha situasaun moris familia, maibé sira mós bele hetan karidade mai husi ita nia autoridade munisípiu ida ne’e siknifika katak iha nafatin konsiderasaun ho situasaun situasaun ne’ebé mak povu hasoru. NFM
