FEATUREDGeralIkus LiuNews

Estrada Aldeia Namalai Difikulta tebes ba Movimentu Transporte

Fahe Tutan

 Naunil Media (Díli), Xefe aldeia Fernado Maia, Informa estrada husi Fatuhai liga ba aldeia Namalai suku Camea postu administrativu Kristu Rei difikulta tebes ba movimentasaun transporte Publiku.

“Kona-bá estrada iha ne’e ami autoridade hato’o ona  pedidu ba governu liu husi eskada por eskada maibé to’o ohin loron seidauk iha resposta.”   Informa xefe aldeia Fernado Maia   ba Aldeia Namalai Suku Camea Postu Administrativu Kristu Rei Munisipiu Díli. sesta (21/05).  

Lider komunitariu ne’e subliña iha tinan 2018 iha kompaña Loron foun liu husi sub kompaña jenoze hetan fiar husi governu hodi hadia dalan ne’e,maibe to’o ohin loron kompaña rasik abandona servisu. Maioria komunidade iha area remotas suku kamea ne’e kuaze moris ho vida aileba,tanba ne’e autoridade lokal ne’e kontinua ijiji ba governu atu bele tau iha konsiderasaun nune’e komunidade sira fasil halo movimentu hodi asesu ba fatin fatin satan iha tempu udan komunidade sira susar atu asesu ba merkadu, Haktuir nia.

Ikus nia dehan, ho kondisaun estrada ne’ebe a’at autoridade ne’e konta tuir dala barak komunidade hetan moras todan , presija atu transporta ba hospital nasionál maibé ho kondisaun estrada halo ambulansia labele movimentu tama to’o iha fatin ne’eba obrigadu pasiente sira tenki husik mundu.

Entertantu Suku Kamea kompostu husi aldeia lima hanesan Karau Mate,Erlaun,Buburlau,,Namalai no Kaisabe ho total populasaun hamutuk rihun 3 resin ne’ebé maioria moris aileba. Ipe

Leave a Reply

Your email address will not be published. Required fields are marked *