FEATUREDIkus LiuNewsSaude

EUA ho MS Inagurasaun Ba Klinika Kada-Bunak iha Aldeia-Namalai Kristu-Rei

Fahe Tutan

Naunil Media (Díli), Embaixador Estadus Unidos América iha Timor-Leste (EUA-TL) Kevin Blackstone ho Ministra Saúde (MS) Odete Maria Freitas Belo, Inagurasaun ba Klinika Kada Bunak Aldeia Namalai Suku Camea Postu Administrativu Kristu Rei Munisipiu Dili.

Tuir Embazadór América ba Timor-Leste Kevin Blackstone, hateten obra ba renovasaun klinika kada bunak ne’e nudar rekonesementu husi kontraktor Timoroan sira ho finasiamentu husi forsa Naval Estadus Unidos  América nian.

“Ha’u mai iha fatin kada Bunak fatin ida ne’ebé foho leten iha Díli nian nno  furak tebes, atu fó rekonesementu ba obra di’ak ne’ebé renovasaun klinika, ne’ebé hala’o husi kontraktor Timoroan rasik ho finansiamentu husi forsas Estadus Unidos América nian liu husi enjenaria forsa Naval nian.” Dehan Embazadór Estadus Unidos América EUA iha Timor-Leste ba jornalista sira Aldeia Namalai Suku Camea Postu Administrativu Kristu Rei Munisipiu Díli. sesta (21/05).

Kevin hatutan,  reablitasaun ba klinika Kada Bunak ne’e governu estadus unidos amerika aloka fundus husi Forsa Naval América nian ho montante osan rihun$152.839.

Kevin husi América ne’e reforsa, sei nafatin apoiu Timor-Leste iha área oin oin iha futuru.

Nia dehan, dadaun ne’e mós governu América sei kontinua konstrui tan eskola ida iha suku Seisal munisípiu Baucau ne’ebé finansia direita husi fundus América.

Iha Fatin hanesan Ministra Saúde (MS) Odete Maria Freitas Belo, agradese ba governu américano nia apoiu hodi bele halo reabilitasaun ba postu klinika refere hodi bele halo asistensia Saúde ba komunidade sira iha aldeia Namalai.

“Lori ministeriu da Saúde nia naran hakarak hato’o agradese ba governu américa ba nia apoiu hodi hadia postu saúde ida ne’e.” Tenik MS Odete.

 Iha sorin seluk Sefí aldeia Namalai Fernando Maia kontente ho klinika foun ne’e tanba bele fasilita di’ak liu tan komunidade sira hodi bele asesu ba Saúde,  agradese tebes ba governu Américano iha Timor-leste. Klinika kada bunak ne’e kompleta ho fasilidade saúde balun no kuartu atendementu 4 ,hanesan sala emerjénsia ida,sala konsulta maternidade, sala konsulta jerál, sala laboratórium no sala farmasia,inklui tanki bee-moos. Ipe

Leave a Reply

Your email address will not be published. Required fields are marked *