SIJK Konkorda ho Família Matebian Xian Ling, Mate Covid-19 Hodi-Sunu
Naunil Media (Díli), Governu liu husi Sentru Integradu Jestaun Krize-Sala Situasaun (SIJK-SS sigla portugés), Kodenadór Destakamentu Reasaun Rapida (KDRR) Aurelio Guterres, Hateten Hateten Matebian Chen Xian Ling Mate Covid-19 governu konkorda ho Famíla matebian hodi halo kremasaun ka sunu tuir kultuta Xineza nian.
“Ida ne’e hanesan primeura vez governu no sala situasaun sentru integradu jestaun hamutuk ho ministeriu saúde no parte sosiál no relevante sira, ita halo prosesu kremasaun iha semiteriu públiku Covid-19 Metinaru, prosesu ida ne’e halo parte iha governu nian, wainhira sidadaun sira hakarak halo kremasaun ka sunu ba família sira ne’ebé mak mate ba Covid-19 iha prepara atu fó apoiu tuir kultura Xineza nian”,Hateten Kodenadór Destakamentu Reasaun Rapida (KDRR) Aurelio Guterres ba Jornalista sira iha semiteru foun Metinaru, sabado (22/05).
Iha Fatin hanesan Reprejentante familia matebian Rudy Kawan haktuir antes ne’e matebian sofre uluk moras tensaun no diabetes durante tinan tolu nia laran, hafoin sente isin manas makas ,familia sira diside lori ba Hospital Nasionál Guido Valadares (HNGV), hodi halo tratamentu ne’ebé mak matebian sofre no iha ne’eba, mediku sira hasai teste swab ba matebian ikus mai rejultadu hatudu pozitvu no iha loron ne’e kedas trasporta ba sala izolamentu Vera Kruz iha loron sesta 14 Maiu tinan ne’e.
Nia hatutan, durante hala’o tratamentu iha sala izolamentu Vera Kruz iha loron balun deit matebian hakotu i’is kedas iha lorin 16 fulan maiu, husi ne’e familia husi matebian komunika kedas ho parte relevante Sira foti desisaun ikus prosesu kremasaun, tuir duni regras organizasaun mundiál saúde (OMS) nian, no tuir kustume Xina nian.
“Ami família ho governu timor leste koalia ona ho embaxador xina katak atu halo halo prisesu kremasaun no to’o ikus iha duni komkordansia hodi mai halo kremasaun iha fatin ne’ebé governu prepradu”, Dehan representante família Rudy
Nia esplika, matebian durante hela iha Timor-Leste kuaze tinan sanulu resin ona hodi hala’o negosiu iha área Beto Comoro.
Hafoin remata kremasaun familia sira sei foti hikas nia restus mortais ka ahikdesan hodi lori fila ba nia moris fatin nasaun Xina tuir lisaun Xineza nian.
Entertantu matebian mate husik hela oan nain ida ne’ebé dadaun ne’e iha hela Xina, labele partisipa iha serimonia kremasaun ne’e tanba hare ba situasaun aktul ne’e ,maibe familia komunika ona iha tempu badak nia oan sei fila mai Timor-Leste hodi bele lori fila nia aman nia restus mortais ka ahukdesan ba rai moris fatin Xina.Ipe
