FONGTIL konsidera Deklarasaun Husi PNTL Laiha Faktus

Naunil Media (Dili), Diretor Jeral Forum Naun Govermental Timor Leste (FONGTIL) Ivo Maukoli, konsidera deklarasaun husi PNTL nian kona-ba Negosiante lori nu’u tuda membru PNTL la iha Faktu.

Diretor husi FONGTIL deklara asuntu ne’e relasiona ho akontesimentu ne’ebé akontese iha loron domingu 23 de Maiu tinan 2021 iha Pontu tama no sai Tasi Tolu iha ne’ebé mosu desentendimentu entre PNTL ho negosiante fa’an nú’u.

Hafoin akontese mosu kritika makas iha media sosial kona-ba aktu PNTL nian ne’e, nune ikus Mai PNTL fo sai iha media Ofisial PNTL katak, akontesimentu ne’e akontese tanba negosiante ne’e lori nu’u tuda membru PNTL ida hodi resulta oin nakukun no bubu.

“polisia Sira hateten katak sira lansa agresaun fisiku ba vitima tamba Vitima tuda sira ho nuu kain, FONGTIL Konsidera katak estitmentu ne’e la iha faktus ka Evidensia”, deklara diretor ne’e iha Kaikoli, segunda (24/05).

Nia hatutan tuir loloos nu’udar PNTL bainhira mosu problema hanesan ne’e nu’udar seguransa estadu tenki hatudu profisionalismu hodi halo atendementu ba sidadaun ho profisional. Nune mos bainhira halo sala lalika koko atu taka aan.

“Sidadaun ka autor ida halo asaun krime ba autoridade kompetenti hanesan polisia ne’e fasil tebes halo kapturasaun ka detensaun submete ba primeru inteogatoriu” nia haktuir.

Nia deklara hafoin akontese liu tia oras balu nia parte ho ekipa FONGTIL ho familia ba hasoru fali polisia Sira iha Postu PNTL Tasi Toly kona-ba akontesimentu ne’e, maibe realidade hatudu la iha asaun ruma hasoru PNTL.

Iha Fatin hanesan negosiante Octavio Thal deklara akontesimentu ne’e akontese bainhira PNTL koko kaer nu’u hodi soe tuun ba rai, nune ikus mai hodi hamosu agrsaun fisiku.

“Ami foti nu’u kala ramu haat Lima transfer ba tiga roda ida fali sira komesa koalia oi ohin loron saida ‘tolok’ ohin loron imi hatene ka lae ohin loron Laos transfer sasan, nune ha’u dehan maun Agora dadaun ema transferensia kareta sira foti sasan ba Mai kahur malu Diak hela Agora ami nain Rua deit mak foti nuu, ema la barak Ami nain rua de’it Ema sorin Maun haree took transferensia Diak hela nusa Mak ami labele” negosiante Octavio Konta Kronologia.

Nia konta bainhira PNTL sira la autoriza nia koko nafatin hodi sae ba hatun nuu hirak ne’e ba rai.

“Entaun ha’u nafatin foti nuu. Ha’u sa’e ba foti sira fila fali mai konta burtal de’it ona, Sira foti nu’u soe tun ba baleta kuak too nu’u ne’e rahun hotu entaun ha’u mos laran tristi dehan Maun nu’u ne’e ami ba hola no sira lori Mai ne’e hola, sae nuu lakon osan hira mak hodi mai too iha Fatin ne’e” nia haktuir.

Nia deklara hafoin mosu diskuti malu husi oknum PNTL nain rua baku iha nia Ibun no tuku nia ulun inklui tebe nia kabun to nia hakruk ih fatin.

Iha biban ne’e negosiante ne’e husu ba parte relevante atu kontinua prosese kazu ne’e tuir dalan legal. Ipe