FEATUREDGeralIkus LiuNews

SEPS Apoia Material Konstrusaun ba Vitima Dezastre Naturál Na’in-37 iha-Balibar

Fahe Tutan

Naunil Media (Díli), Xefí Departamentu Jestaun Emerjénsia ba Sekretária Estadu Protesaun Sivil (SEPS Sigla portugés) Ermelinda Pires, Hateten SEPS fó apoiu ona ba família vitima dezastre naturál uma kain 37 husi númeru ne’e na’in 2 mak reprezenta, seluk sei ba foti iha Díli, rua mak lori to’o iha  suku Balibar postu Administrativu Kritu Rei munisípiu Díli,

“Apoiu ba loron ohin nian iha suku Balibar ,vitima rua mak husi aldeia Tankai mak uma a’at total no ohin sira konsege  simu sasan konstrusaun kompletu, hanesan simbolikamente fó ba sira na’in rua no  sira na’in-37 sei ba simu iha loja vitoria Díli.”Informa  xefí jestaun emerjénsia ba jornalista iha sede suku Balibar, segunda (24/05).

Nia hatutan, dadus ne’ebé sira simu hamutuk familia 37, husi ne’e familia rua mak afetadu ka lakon total hela fatin iha inundasaun ho nune’e SEPS ohin apoiu ona ekipamentus komstrusaun ba vitima no vitima sira seluk sei ba simu direita iha Loja Vitoria Díli.

“Ami mos rekomenda ba sira sira ona apoia tenke harii fila fali sira nia hela fatin  labele simu tiha sasan ba fa’an fali, tempu badak ami sei mai fali atu halo sorvei sira halo duni uma ga lae”, Subliña nia.

Iha Fatin hanesan Xefí suku Balibar Afonso Pereira husu agradese ba governu liu husi SEPS, tanba tulun ona apoia ba nia komunidade sira ne’ebé afetadu ba inundasaun.

 “Durante akontesementu inudasaun ne’e halo ami nia komunidade sira nia hela fatin estragus no ami hato’o duni ba governu ikus mai governu rasik la taka matan  ajuda sira ne’e, ohin mai duni tanba ne’e nuudar autoridade lokal agradese tebes ba governu nia tulun”, Nia hateten

Nia hatutan, tuir dadus husi autoridade suku Balibar relata ba Sekretária Estadu Protesaun Sivil total uma kain 37 mak afetadu husi inidasaun foin lalais ne’e, depois SEPS ho autoridade sira halo sorvei katak vitimia uma kain hela fatin estragus total.

 Suku balibar kompostu husi aldeia ha’at hanesan  aldeia Tankai, Loriku, Fatunaba no Lakoto, ho nia populasaun hamutuk 1.673 husi xefí familia hamutuk 347.

 Entertantu Ekipamentus ne’ebé SEPS distribui ba vitima rua mak hanesan kalen tahan 50, sementi sakas 40,Besi beton 8mm 10 Barra, Besi 10mm 12 barra, Pregu kalen 2kg, pregu 12cm 2kg, pregu 7cm 4kg no arame finu rolu 2 no husi Pakote material  konstrusaun ne’ebe destribui kada vitima,  gasta osan hamutuk $477.75 dollares Amerikanu. Ipe

Leave a Reply

Your email address will not be published. Required fields are marked *