Diretór Sentru Nasionál Chega Aktualiza Progresu Serbisu Ba PM Taur
Naunil media (Díli), Diretór Sentru Nasionál Chega Hugo Maria Fernandes, Hateten ohin mai aktualiza progresu serbisu ba Primeiru trimestral (PM) Taur Matan Ruak.
“Ohin Aktualiza ba Primeiru Ministru kona-bá progresu serbisu ne’ebé mak sentru nasionál Chega halo primeiru trimestral nian husi fulan Janeiru to’o mai iha Marsu maibé agora tama ona ba iha fin de Maiu entaun ohin mós aktualiza liu tan progresu ne’ebé mak la’o ona to’o iha fulan Maiu “.Informa Diretór CNC Hugo Maria Fernandes ba Jornalista hafoin enkontru ho Primeiru Ministru (PM) Taur Matan Ruak iha Rezidensia Farol, Tersa (25/05).
Diretur CNC hatutan, enkontru ho Primeiru Ministru, tanba sentru Chega tutela direitamente ba primeiru Ministru entaun iha enkontru regular loloos akontese kada trimestral, maibé iha fulan Abríl primeiru Ministru okupadu ho situasaun ne’ebé mak infrenta entaun ohin loron mak Primeiru Ministru disponivel hodi bele halo enkontru.
Hugo hateten Programa ne’ebé mak sentru nasionál Chega halo hanesan hato’o ba primeiru Ministru kontinua aliña ho polítika guvernu konstitusionál da ualu nian liu-liu haree ba oinsá mak kontinua prezerva memoria pasadu sira
“Ita halo liu husi peskiza historiku sira liu husi dijitalizasaun arkivu historiku sira no mós mapamentu ba fatin historiku sira ita la’o nafatin, ita mós integra kontuidu balun husi relatoriu Chega ho pemas iha kurikulu ensinu hanesan Primeiru Ministru akompaña di’ak tebes ohin nia husu mós kona ba progresu too iha ne’ebé”, Tenik Hugo.
Nia dehan, Tinan kotuk halo ona submisaun ba iha Ministériu edukasaun kona ba kurikulu siénsia sosiais istória jeografia ba terseiru siklu nian, no ba eskola sira sekundáriu tinan ida ne’e komesa halo avaliasaun ba kurikulu materia hanesan ensinu siénsia sosiais no mós istória jeografia ba sengundu siklu nian agora prosesu ne’e konsultor Timoroan na’in rua halo hela.
Iha biban ne’e primeiru Ministru Taur Matan Ruak mós apresia tebes esforsu ne’ebé mak sentru nasionál Chega halo liu-liu iha tinan ida ne’e iha semana kotuk halo parseria ida Portugál ho Timor-Leste ba halo peskiza ida ho títulu rezisténsia nu’udar afirmasaun kulturál. Peskiza entre Portugál ho Timor-Leste ne’e Prozetu tinan tolu ne’ebé mak sei hetan apoia husi Uniaun Europeia ho Institutu Camõens, peskiza ne’e sei halo iha Timor-Leste, finalidademak foin aprezenta.*Jos
