Eis PJR José: Hato’o Agradesimentu ba PM Taur
Naunil Media (Díli), Eis Prokurador Jerál José Repúblika (PJR sigla portugés) José Ximenes hato’o agradesimentu ba Primeiru Ministru Taur Matan Ruak, tanba durante ne’e kooperasaun di’ak ho governu iha prosesu hour hotu.
“Ohin oportunidade enkontru ho Primeiru Ministru hato’o dala ida tan ami gratidaun agradesementu ba kooperasaun institusional sira entre prokuradoria jerál ho gevernu iha kontestu ida ne’e”, Informa Eis Prokurador Jerál Repúblika José Ximenes ba jornalista hafoin enkontru ho Primeiru Ministru (PM) Taur Matan Ruak iha Rezidensia Farol, tersa (25/05).
Eis prokurador ne’e hatutan, mandatu hotu tiha ona desde ida 28 de Abríl purtantu hahú iha ne’ebá halo relatamentu ho primeiru Ministru apezar manda ona karta de agradesementu ba kooperasaun institusional ne’ebé entre prokurador jerál no guvernu.
Nia haktuir, durante ne’e iha kooperasaun ne’ebé di’ak tebe-tebes resentemente ho aprovasaun kuadru pesoal ba ofisiál justisa ne’ebé mak foin públika iha 28 Abríl 2021
Nia dehan, Altersaun ba kuadru pesoal majistradu ministeriu públiku nian no seluk-seluk tan ne’ebé iha ambitu kooperasaun entre prokuradoria jerál repúblika ho guvernu entaun aproveita hato’o.
“Ami fiar katak ho lideransa prokurador foun ninian sei kontinua ho Kooperasaun di’ak ho guvernu pelumenus ida ne’e mak pontus ne’ebé ohin enkontru ho Primeiru Ministru hodi aprezenta asuntu ida ne’e”, Nia tenik.
Primeiru Ministru Taur Matan Ruak hatete, Guvernu ida ne’e sei kontinua halo kooperasaun ne’ebé di’ak ho Prokuradoria jerál Repúblika hanesan instituisaun estadu nian.
Eis Prokurador Jerál da Repúblika ne’e simu pose iha tinan 2017 husi eis Prezidenti Repúblika aktual Primeiru Ministru Taur Matan Ruak, eis prokurador nia mandatu hotu ona iha fulan Abril tinan 2021. *Jos
