FEATUREDGeralIkus LiuNews

KOICA Apoiu $5 Miloens Ba Sentru Nasionál Chega

Fahe Tutan

Naunil Media (Díli), Diretór Sentru Nasionál Chega Hugo Maria Fernandes, Hateten iha semana kotuk  Korea Internasiona Cooperation Agency (KOICA sigla ingles) apoia finanseiru $5 miloens durante tinan haat ba programa  tolu.

 “Informa ba Primeiru Ministru sentru Chega iha ona akordu ho KOIKA ba apoia finanseiru ba tinan haat kuaze $5 miloens  ne’ebé mak KOICA sei fó mai iha sentru Chega ba programa tolu”, Informa Diretór CNC Hugo Maria Fernandes ba Jornalista hafoin enkontru ho Primeiru Ministru (PM) Taur Matan Ruak iha Rezidensia Farol Tersa (25/05).

Diretór CNC hatutan, programa tolu ne’e mak ida ba dijitalizasaun arkivu no mós reabilitasaun sentru arkivu, rua  atu harii  no estabelese iha sentru edukasaun ba dame nian Timor-Leste, ba datoluk mak halo mós programa inter kambiu kona-bá konflitu rekonsiliasaun iha rejionál ida ne’e.

“Ohin Primeiru Ministru fó orientasaun no ajustamentu ba programa, tanba haree ba tinan ida ne’e ho situasaun sira ne’e programa barak mak labele halo iha Munisípiu sira”,Tenik nia.

 Nia dehan,  haree hela ba ajustamentu ba fulan Juñu ne’e karik bele halo revizaun uituan ba orsamentu no mós kontinua fó apoia parseria ho ajensia internasionál sira ne’ebé mak tulun tebes iha aspetu osan nian,  ita bele poupa osan husi ita nia mina ita bele liu parseria ne’e bele utiliza apoia sira ne’e ba halo programa sira iha ita nia rai.

 Nia haktuir,  iha trimestral Primeiru ne’e sentru Nasionál Chega hetan $720 mil to’o iha horseik hetan relatoriu final halo de’it ezekusaun $270 mil entaun kuaze la to’o 50%.

Ikus liu, nia dehan ida ne’e mós ohin ha’u hato’o preokupasaun katak situasaun ne’ebé mak impede ezekusaun, ita labele halo mobolizasaun tanba sentru Chega nia aktividade barak iha Munisípiu maibé serka sanitária ne’e halo ita labele la’o entaun impede tiha ezekusaun orsamentu,   tanba ne’e mak ohin Primeiru Ministru fó orientasaun karik depois fulan Maiu bele haree took halo fali Altersaun ba programa ho orsamentu para bele ezekuta di’ak liu.*Jos

Leave a Reply

Your email address will not be published. Required fields are marked *