MTCI Lansa Dezenvolvimentu Turizmu Komunitáriu iha Suku Nunu Mogue Ainaro
Naunil Media (Díli), Ministru Turizmu Komérsiu no Indústria (MTCI sigla portugés) José Lucas do Carmo da Silva, Lansa tán Sub-programa Dezenvolvimentu, no Estabelesimentu Grupu Traballu Turizmu Komunitáriu, iha Suco Nunu-Mogue, Postu Administrativu Hato-Builico, Munisipiu Ainaro.
“Objetivu husi vijita Suco Nunu-Mogue ne’e, hodi fó tomada de pose ba prezidenti no membru konsellu konsultivu, no estabelese grupu traballu turizmu komunitáriu, tanba turizmu komunitáriu nia konseitu ne’e rasik maka oinsá komunidade mak tenke sai nain ba dezenvolvimentu turizmu ne’e, ho grupu rua ne’ebé simu posse ba loron ohin nia papél importante tebes”, Hateten MTCI José Lucas do Carmo da Silva ba jornalista sira iha hafoin fó tomada pose ba grupu turismu komunitáriu iha Suco Nunu-Mogue, Postu Administrativu Hato-Builico, Munisípiu Ainaro, segunda (24/05).
Iha seremonia lansamentu ne’e, Ministru Turizmu Komérsiu no Indústria, José Lucas do Carmo da Silva, hamutuk ho Vise Ministra Turizmu Komunitária no Kulturál, Inácia da Conceição Teixeira, fó posse ba prezidenti ho membru konsellu konsultivu nain ne’en (6), no mós grupu Ast Rabeka simu posse nuudar grupu Traballu Turizmu Komunitáriu iha Suco Nunu-Mogue.
Ministru nia lia menon simu responsabilidade ohin ne’e katak sira sei hamosu ideia atividade konseitu orijen turizmu Nunu-Mogue nian. #Lop
