‘COVID-19’ Oe-Cusse Oan Na’in-500 iha Díli Fila ba RAEOA Tanba-Hamlaha

Naunil Media (Díli),  Covid-19 estadu Timor-Leste desidi estadu emerjénsia no serka sanitária (EE/SS) hodi prevene moras ne’e labele hada’et, maibé prejudika ba ema hotu nia moris loron loron,  tanba ne’e Oe-Cusse oan na’in 500 iha Díli fila ba Rejiaun Administrativa Ekonómia Oe-Cusse Ambeno (RAEOA) tanba infrenta hamlaha.

Antes ne’e sira toba iha edifisiu ZEEMS Zona Eespesial Ekonómia  Merkadu no Sosiál (ZEEMS) iha Farol, Segunda Ro sucse sei transporta uluk na’in 80 husi Díli ba Oe-Cusse no sira seluk faze tuir mai.

Ejijensia ne’e, ohin ekipa delega husi Presidenti Autoridade RAEOA, to’o kedas iha Díli  hodi  halo diskusaun ho habitante sira molok sira halo viajen.

Hafoin realiza deskusaun iha oras balun, iha edifisiu ZEEMS Farol koordenador Gabinete ZEEMS Nilton Rodrigues Pereira, Haktuir katak autoridade iha alternativu atu solusiona nia emar sira, maibé tuir faze por faze tanba ne’e semana oin sidadaun na’in 80 mak sei transporta uluk ba RAEOA.

“Autoridadade iha alternativu atu solusiona  ita nia emar sira, iha oin rua faze da uluk sei transporta ita nia ema sira tuir faze por faze i faze da uluk ne’e sei transporta uluk ema na’in 80 iha semana oin, bainhira sira priense ona rekezitu Covid-19 nian, husi Sentru Integradu Jestaun Krize I Sala Situasaun (SIJK-SS), sira bele aranka ona”, Dehan KoOrdenador Nilton Rodrigues Pereira ba jornalista sira iha Edifisiu ZEEMS Farol, tersa (25/05).

Nilton hatutan, razaun transporta uluk na’in 80 tanba haree ba espasu kuarentena ne’ebé preparadu, tanba sidadaun sira ne’e to’o iha Oe-Cussi sei submete ba kuarantena durante loron 14.

“Segunda sira na’in 80 mak aranka uluk i faze da uluk  ita sei haree kapasidade kuarentena bainhira  fatin sei naton bele aumenta tan viajen habitante sira iha faze tuir mai bele sae ba 150 hanesan ne’e”, Nia subliña.

Nia informa, Autoridade RAEOA mós prepara ona fatin Kuarentena iha área Sakato, edifisiu Alfandega no seluk tan ,nune’e sidadaun hirak to’o iha Raeoa bele submete ba kuarentena.

Enkauntu Oe-Cussi oan sira seluk ne’ebé nafatin  hela iha rezidensia ZEEMS ne’e, autoridade sira sei atende nafatin sira nia nesesidade bazíka hodi viajen tuir faze por faze nune’e autoridade fasil atu kontrola.

Maske antes ne’e sidadaun sira ne’e iha ona guia da marsa no karta autorizasaun husi SIJK, maibé loron validade termina ona, tanba ne’e sira sei submete fali ba hasai teste swab molok semana oin aranka ba Oe-Cusse. Ipe