Governu Deside Tan SS iha Munisípiu Lima
Naunil Media (Díi), Ministru do Konsellu Ministru Fideliz Manuel Liete Mgalhães, Hateten ohin reuniaun konsellu ministru deside tan serka sanitaria ba munisípiu lima Díli, Baucau, Covalima, Bobonaro no Viqueque.
“Governu deside mantéin implementasaun serka sanitária iha munisípiu Baucau, Díli no Covalima to’o tuku 23:59 loron 01 fulan Juñu tinan 2021, no impoin mós iha munisípiu Bobonaru no Viqueque hahú aban (27/5) to’o data ne’ebé hanesan mak 01 Juñu 2021”, Hateten porta voz gavernu da ualu konstituisional Fideliz Manuel Leite Magalhães ba jornalista sira iha Ministeiru Finansas Aitarak laran, kuarta (26/05).
Porta voz ne’e hatutan, Governu aprova projetu rezolusaun kona-ba impozisaun serka sanitária ne’e hafoin rona tiha aprezentasaun husi Koordenadór sira Sentru Integradu Jestaun Krize (SIJK) nian kona-ba situasaun epidemiolójika Covid-19, Dehan Porta voz Fideliz Manuel Leite Magalhães.
Nia dehan, Governu kontinua mós impoin konfinamentu obrigatóriu to’o loron 01 Juñu, nune’e bandu nafatin sirkulasaun ema sira nian entre munisípiu lima ne’e no bandu mós sirkunskrisaun administrativa sira seluk, ezetu iha kazu hirak ne’ebé ho ninia fundamentu forte tanba razaun seguransa públika, saúde públika, asisténsia umanitária, manutensaun hosi sistema abastesimentu públiku, ka razaun forte seluk ba interese públiku nian, Nia hakotu. #Lop
