MUTL ” Ami Kondena Makas Aktu Bandidu No Brutalismu Husi Oknum PNTL Nain-2″
Naunil Media (Dili), Movimentu Universitariu Timor-Leste (MUTL) kondena makas aktu brutalismu no bandalismu husi membru Polisia Nasional Timor-Leste (PNTL) ne’ebé halo agresaun fiziku hasoru negosiante faan nuu iha Pontu entrada Tasi-Tolu.
Tuir portavoz Denis Saebaku deklara aktu PNTL nian ne’e la hatudu profisionalismu hanesan seguransa estadu.
“Aktu ne’ebé membru PNTL komete iha Tasi-Tolu hodi halo agresaun ba negosiante. MUTL Reafirma pozisaun hanesan, MUTL Kondena maka’as asaun bandalismu, no brutalismu husi Membru Oknu PNTL ne’ebé halo agresaun fiziku hasoru negosiante ka Vendedores Ambulante Roda 3”, dehan portavoz iha komunikadu imprensa, liceu kuarta (26/05).
Nia hatutan, MUTL Rezeita Deklarasaun Komadante PNTL ne’ebé defende liu ba nia Membru no MUTL rezeita Total Deklarasaun Presidenti Parlamentu Nasional (PPN) ne’ebé fo sai nia deklarasaun katak la’os Membru PNTL maka baku Vendedores.
Aleinde ne’e portavoz 3 Asala Vicente haforsa, hansan jerasaun foun konsidera hahalok oknum PNTL la’os hanesan seguransa maibé konsidera hanesan bandidu, tan ne’e maka husu ba parte relevante atu bele investiga halo klean.
“Ami hansan jerasaun foun, lori MUTL nia naran kondena aktu membru PNTL nian, kualker militar iha ne’ebé de’it, kuadu atuasaun ne’e ho profisional tanba la’os foin koalia de’it hatudu kedas asaun, ne’e la’os militar maibe ami konsidera hanesan bandidu. Tanba ne’e maka husu ba PDHJ ho parlamentu komisaun B trata asuntu defeza seguransa hodi bele investiga ho di’ak”,
Nia saliente, Polisia Nasional Timor-Leste ne’e atu promove Direitus Umanus, la’os ema sosiedade sivil.
Iha biban ne’e MUTL husu ba Ministeriu Interior hodi hatun ekipa ida atu halo investigasaun ba kazu ne’e no MUTL husu ba Komandu jeral PNTL atu espulsa Oknum Membru PNTL ne’ebé halo Agresaun Fiziku hasoru Vededores nain rua Fa’an Nu’u iha Fatin Tasi tolu, MUTL husu ba Parlamentu Nasional (PN) Komisaun B trata asuntu defeza i seguransa hodi tun direitamente ba halo Fiskalizasaun ba kazu refere.
To’o notisia ne’e publika Naunil Media seidauk halo konfirmasaun ho parte seguransa.RIT
