PR “Lú Olo” Reuniaun ho Konsellu Estadu hodi Estende EE
Naunil Media (Díli), Asesor politíka Palásiu Prezidensiál Gregorio Sousa, Hateten ohin Prezidenti Repúblika (PR) Francisco Guterres “Lú Olo” halo reuniaun ho konsellu estadu no konsellu superior defeza no seguransa hodi desidi estende tan estadu emerjénsia iha Timor-Leste ba dala 14.
“Prezidenti Repúblika simu pedidu husi governu atu renova estadu emerjénsia (EE), ohin Reuniaun rua mak konsellu superior defeza no seguransa no konsellu Estadu, sira unaminidade sira desidi tan estadu emerjénsia agora medida ba implementa ne’e governu mak sei desidi”.Dehan Asesor politíka Prinsipal Palásiu Prezidensiál Gregorio Sousa ba Jornalista sira iha Palásiu Prezidente Nicolau Lobato Bairru Pite, kuarta ( 26/05).
Asesorpolitika Palásiu Prezidenti hateten medidas ne’e governu mak foti no Prezidenti Repúblika laiha komentariu ne’e kompetensia Governu nia no Prezidenti laiha Opinaun.
“Sira la koalia buat sira ne’e aprova Prezidenti Repúblika husu pedidu estadu emerjénsia ba parlamentu nasionál i depois mak governu haree sa medidas mak bele implementa Domisiliar serka Sanitária ka lae?. Tanba governu mak sei tetu didi’ak i depois desidi” Katak nia.
Pedidu ne’e sei haruka ba parlamentu nasionál no Sesta feira parlamentu nasionál sei deskute kona-bá estende tan estadu emerjensia.
Antes ne’e EE ba dala XIII ona.*Jos