Komandante Jerál PNTL Faustino Atualiza Situasaun Seguransa Rai-Laran ba PR

Naunil Media (Díli), Komandante Jerál Polílisa Nasionál Timor-Leste (PNTL) Faustino da Costa akumpaña vise Komandante Mateus Fernades, Hodi apresenta situasaun seguransa rai laran ba Prezidenti Repúblika (PR) Francisco Guterres “Lú Olo”.

“Enkontru ida ohin aprezenta situasaun aktual rai laran ba sua ezselensia Prezidente Repúblika ita hatene situasaun a nivel teritoriu nasionál la’o ho di’ak”, Informa  Komandante Jerál PNTL Faustino da Costa ba jornalista hafoin sorumutuk ho  Prezidenti Repúblika (PR) Francisco Guterres “Lú Olo” iha Palásiu PrezidentI  Nicolau Lobato Bairru Pite kinta (27/05).

Faustino hatutan, iha akontesementu balun asaltu grupu balun tuda malu, depois baku malu prosesu ne’ebé atende no nota nafatin katak husi eis grupu arte marsiais sira, hanesan akontesementu iha munisípiu balun ne’ebé agora dadauk prosesu polísia atende hela no situasaun jerál iha nivel teritoriu la’o di’ak, Dehan Komandante Jerál PNTL Faustino da Costa.

“Segundu mak situasaun ne’ebé ita iha estadu emerjensia serka sanitária no mós konfinamentu domisiliariu jerál, situasaun ida ne’e hanesan saida mak polísia Nasionál halo hodi asegura no implementa ami aprezenta informasaun hirak ne’e ba Prezidenti Repúblika”, Tenik nia.

Nia dehan, iha akontesementu balun ne’ebé akontese maibé nu’udar komandante la nonok no ekipa konjunta sira sei ba hasoru vitima sira tantu membru PNTL.

Nia haktuir Aleinde ne’e mós kazu Tasi Tolu no mós kazu dala ruma rona no akompaña iha Liquiçá foho hanesan mós iha Suai maibé haree mós ba prosesu rua ne’e.

Nia hateten Haree situasaun ne’ebé akontese laos ida ne’e de’it maibé hirak ne’ebé iha ne’e ba ema hotu-hotu tantu husi komandu PNTL rasik enkontru ona Vice Ministru Interior Maibé kuandu iha prosesu disiplinar ne’e hanoin buat ketak ida maibé auditoria ba hotu-hotu ne’e hanoin buat ketak.

 “Orientasaun komandu kualker aktividade operasional ne’e sempre eskrita, orientasaun hotu-hotu ne’e sempre eskrita la ko’alia verval orientasaun sira ne’e sempre eskrita Maibé dalaruma intrepetasaun informasaun eskrita sira ne’e mós latoo iha membrus ida-idak maibé liuliu komandu seksaun no komandu pelotaun ne’ebé mak liresa ne’e sempre iha verval”, Katak nia.

Ikus iu nia dehan, Ita komprende dala ruma intrepetasaun informasaun eskrita sira ne’e mós la to’o ba membru ida-ida hotu maibé minimu iha komandu seksaun no komandu pelotaun ne’ebé Lidera ne’e sira sempre iha iha ne’e para orienta verbal ba iha kraik. *Jos