PM-Taur: Lamenta Oknum PNTL Halo Agresaun fiziku Hasoru Vendedor Tasi-Tolu
Naunil Media (Díli), Relasiona ho akontesimentu oknum Polísia Nasionál Timor-Leste (PNTL) halo agresaun fiziku hasoru verdedor ambulante faan nuu iha área Tasi-Tolu fioin lalais ne’e, asaun ida ne’e Primeiru Ministru (PM) I Ministru Interior (MI), Taur Matan Ruak lamenta ho hahalok brutalismu oknum PNTL ne’e rasik.
‘Ha’u Lamenta mas ha’u mós fó ona orientasaun ba ha’u nia vice para reuniaun ho komandu sira komandante sira i naturámente prosesu disiplinar prosesu investigasaun sei la’o para haree apura”,Hateten Primeiru Ministru (PM) Taur Matan Ruak ba Jornalista sira hafoin sorumutuk ho Prezidente Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairru Pite kinta (27/05).
Xefe Governu mós husu ba sidadaun sira para respeitu
polísia sira, labele tuda sira, tanba ikus-ikus ne’e tuda polísia trata polísia
tuda mós ambulansia médiku sira, kuandu susar laran presiza sira mas kuandu
di’ak duni ema sira trata sira labele, Nasaun bele kiik bele kiak mas povu
sivilizadu.
“Entaun sivilizasaun ne’e hanorin ita respeitu ne’e importante, respeitu
ne’e hahu husi ita nia uma laran ita ho ita nia inan aman sira ita ho ita nia
maun alin sira i depois respeitu iha sosiedade nia leet”, Tenik PM Taur
Taur hatutan, harmonia paz ne’e mai husi respeitu ne’e, kuandu respeitu laiha ne’e anarkizmu violensia ne’e buras iha i rai, tanba ne’e mak nia apela ba oan joven sira inan aman sira no mós PNTL sira kontinua mantein.
Nia dehan, Ha’u hatene ke sira ne’e iha presaun makas, ita boot sira hatene tinan ida nia laran loron kalan sira iha de’it estrada ibun iha fatin-fatun ladeskansa ne’e Timor laran tomak hanesan ne’e.
Kazu ne’e rasik oras ne’e prosesa tuir lei ne’ebé vigora. *Jos.