Governu Xina Apoia Manta 3.000 ho Sanitarizassun 10.000 ba vitima-Inudasaun
Naunil Media (Díli), Embaizadór Xina iha Timor-Leste Xiao Jiangou, Informa relasina akontesementu iha loron 04/04/2021, hodi mosu inundasaun iha Timor-Leste, komunidade lakon sasan, ohin Governu Xina apoia Tan manta 3.000 no Andsanitaizer hamutuk 10.000 ba vitima dezastre naturál.
“Apoiu ida ne’e liga ho dezastre natural ne’ebé akontese foin dadaun ne’e, tanba ne’e nudar Embaizadór ita nia nasaun terus ida ne’e nia rasik husu ajuda ba povu Xina hodi apoia ba vitima inundasaun sira”, Informa Embaizadór Xina iha Timor-Leste Xiao Jiangou ba jornalista sira iha salaun VIP Aeroportu Internasional Presidenti Nicolau Lobato Comoro, sesta (28/05).
Diplomata Xineza ne’e hateten Governu Xina apoiu ida ne’e sei kontinua nafatin.
“Depois de inundassun Xina apoia osan $100.000 atraves liu husi Sekretaria Estadu Protesaun Sivil, no apoia ne’e sei kontinua nafatin”, Tenik nia.
Iha fatin hanesan Diretór Jerál Sekretaria Estadu Protesaun Sivil, (SEPS-sigla Portuges) Ismael Babo hatutan, apoiu husi governu Xina ne’e, la’os foin mak halo, maibé dala-barak ona sira sempre apoiu Timor-Leste, iha ámbitu prevensaun Covid-19, ohin apoia tan ba vitima sira ne’ebé afetadu husi dezastre naturál inundasaun iha Timor-Leste.
“Sira mós komprometivu, sira mós sei fó apoiu nafatin ba protesaun sivil, i governu timor-leste atu hato’o ba ita nia populasaun sira, ohin ne’e sira halo ofisialmente apoiu ba manta ho sabaun, ne’ebé sei mai iha etapa rua, no etapa primeiru mak ohin to’o, i etapa segundu, sei mai tan iha semana oin. Ami sei jere apoiu sira ne’e, ba populasaun sira ne’ebé mak durante balun seidauk hetan apoiu”, Deklara nia.
Iha okajiaun mós Asesóra Legál husi SEPS, Isabel Perreira, hato’o agradese wa’in ba komitmentu husi governu Xina nian, tanba sempre fó ba apoiu TL iha parte oioin.
“Xina hanesan parseiru di’ak ba timor-leste dezde tempu luta to’o ohin loron, i ho apoiu ida ne’e, ita agradese tebes ba sira”, Tenik nia. Ipe
