Sidadaun Xineza Na’in 90 ho Aviaun Citilink To’o iha TL
Naunil Media (Díli), Aviaun Citilink Garuda Indonesía Marka H30 transporta pasajeiru na’in 90 husi Sanghai nasaun Xina to’o ona Timor-Leste (TL).
Pasajeiru sira ne’e mai ho aviaun Citilink H30 no tun iha Aeroportu Internasionál Nicolau Lobato, Comoro iha tuku 12:03 Meudia.
Tuir Diretór Aviaun Citilink iha Timor-Leste, Fernando da Silva, hateten aviaun Cetilink voo husi Sanghai Xina transporta pasajeirus hamutuk na’in 90.
“Hanesan iha horseik ha’u dehan katak ohin mós Cetilink halo voo husi Xina mai Dili, no husi voo ne’e aviaun tula de’it pasajeirus sidadaun Xineza”, dehan Diretór Aviaun Citilink iha Timor-Leste, Fernando da Silva ba jornalista sira iha Aeroportu Internasional Presidenti Nicolau Lobato Comoro, sesta (28/05).
Nia esplika pasajeiru sira ne’e kompostu husi traballadór ne’ebé halo servisu iha kompañia China Harbour envolve iha projeitu Portu Tibar, tékniku sentrál eletrika Hera, balun staff Embaixada Xina iha Timor-Leste no balun ne’ebé durante ne’e hanesan traballadór iha obra konstrusaun nian.
Entertantu aviaun Cetilink halo voo husi Sanghai mai Díli Charter husi Embaizada Xina iha Timor-Leste, liu husi Governu Timor-Leste no parte Sentru Integradu Jestaun Krize (sigla portugés CIGC). Ipe
