Visé Ministru MAE Intrega ID-Card ba Ekipa Lina-frenti iha Manufahi
Visé Ministru MAE Intrega ID-Card ba Ekipa Lina-frenti iha Manufahi
Naunil Media (Manufahi), Kinta-feira loron (27/05) Visé Ministru Administrasaun Estatatal (MAE) halo lansamentu intrega kartaun identidade (ID Card) ba ekipa lina-frenti komisaun task-force Covid-19 iha munisípiu Manufahi iha postu administrativu Alas.
Hafoin halo lansamentu Visé ministru MAE Lino de Jesus Torezão, Hateten “Ekipa lina-frenti sira simu kartaun identidade ne’e, hala’o knár ho responsabilidade tuir legalidade ne’ebé hatúr ona iha dekrétu governu nian, rezolusaun no rejímentu sira seluk hodi kombate Covid-19 iha munisípiu Manufahi, durante estadu emerjénsia (EE) no serka sanitária (SS) ba prevensaun Covid-19 iha Timor leste”, Hateten Vise Ministru MAE, Lino de Jesus Torezão ba Jornalista iha postu Administrativu alas munisipiu Manufahi kinta (27/05).
Fatin hanesan programa menejer Fundasaun luta ba Futuru (F-LBF), Armando da Silva,nu’udar sekretáriadu asuntu parséria komisaun task-force Covid-19 Manufahi hateten, sekretáriadu Covid-19 munisípiu halo parséria ho asosiasaun servisu redusaun dezastreTimor-leste (ASETL) hodi apoiu prodúz kartaun identidade hamutuk 100 ba ekipa front-line sira iha postu administrativu 4 iha Manufahi.
“Iha lansamentu ba kartaun identidade ne’e ba ekipa téknika komisaun Covid-19 kompostu administradór munisípiu hanesan presidenti komisaun Covid-19 komandante komandu polísia Manufahi hanesan visé sekretáriu asuntu siguransa, reprezentante diretóra servisu Saúde, administradór postu Alas no ekipa jornalista sira iha Manufahi”, Tenik nia.
Programa menejer Fundasaun luta ba Futuru (F-LBF ne’e subliña hafoin ida nee sei intrega mós karaun ne’e ba ekipa téknika sira seluk ne’ebé durante hala’o knár ba prevensaun Covid-19 iha nivél munisípiu postu administrativu to’o nivel suku no Aldeia.
Sekretáriadu Covid-19 munisípiu ne’e subliña asosiasaun servisu redusaun dezastra Timor leste (ASETL) apoiu mós materiál sira seluk ba prevensaun covid-19 iha Manufahi, hanesan broucher, Poster, Stiker no Baner
No Komisaun Covid-19 halo parseiru ho Fundasaun Luta ba Futuru, WaterAid Timor-Leste ba programa área liman mós (ALMO) iha munisípiu no halo sensibilizasaun ba lideransa Komunitáriu, Ofisial Polisia Suku (OPS) no The Asia Foundation apoiu mós hand sanitizer, maskra ba komisaun tekniku Covid-19 iha Manufahi. NFM