Xefí-Suku Na’in 29 iha Manufahi husu Governu Selu Ekipa Liña-Frenti
Naunil Media (Manufahi) kinta loron (27/05) ne’e Sefí suku rua nulu resin sia (29) iha munisípiu Manufahi ne’ebé involve-an iha ekipa téknika lina-frenti ba prevensaun covid-19 ezize sira nia direitu ba Governu.
Iha fatin hanesan reprezentante Sefí suku Taitudak Abel Bocase, hato’o Ezizénsia ba visé ministru no administrasaun estatal, iha sorumutu ho autoridade no lideransa komunitária sira iha postu administrativu alas katak “durante ne’e halo sira kumpri ona sira nia dever servisu hamutuk ho pesóal saúde halo esforsu hodi kombate covid-19 iha nivél suku no aldeia maibé governu de’it subsídiu ba pesóal saúde inklui membru polísia sira maibé lideransa komiunitária inklui ekipa lina-frenti sira seluk la hetan atensaun husi governu”, Hateten sefí suku Taitudak ba Jornalista kinta (27/05) iha postu Administrativu Alas munisípiu Manufahi.
Responde ba asuntu ne’e visé ministru MAE Lino de Jesus Torezão hateten kompeténsia MAE nian sei luta makas iha konsellu ministru atu deside haree ba asuntu ne’e, tanba ne’e estrutura task-force ne’ebé estabele ona sei kría mós dekretu lei, MAE sei esforsu atu nune’e ekipa task-force ne’ebé hala’o knár bele hetan mós sira nia direitu.
Iha parte seluk Sefí suku sira mós aprezenta defikuldade kona-bá populasaun iha suku Dotik aldeia balun, suku Aituha to’o oras ne’e seidauk asesu ba estarda no eletrisidade.
Hatan kona-bá problema estarada eletrisidade no bee moos administradór munisípiu Manufahi Arantes Isaac Sarmento, Hateten kona-bá eletrisidade iha aldeia weberek suku Dotik loke ona kunkursu tenderizasaun ba instalasaun liña eletrisidade husi Tatekar ho aldeia weberek, husi suku Letefoho ba to’o suku Rotuto postu administrativu Same EDTL,ep maka sei implementa, kona problema bee ba aldeia Sarin iha tinan hirak liu ba implementa ona maibé to’o ikus komunidade la hetan bee mos, tanba ne’e liu husi programa nasional dezenvolvimentu suku (PNDS) konsira asuntu bee mos inklui estarda atu implementa iha tinan oin.
“kona suku sira seluk iha Manufahi ne’ebé infrenta problema hanesan governu sei la taka matan maibé resolve tuir fáze”dehan Administrador munisipiu manufahi Entretantu visé ministru MAE kuarta-feira ne’e halo mós sorumutu ho lideransa komunitária no autoridade sira iha salaun administrasaun munisípiu lideransa komunitária sira aprezenta mós problema komunidade balun seidauk simu subsídiu uma kada uma ka’in inklui suku balun komunidade sira seidauk hetan Sesta-básika,no visé ministru MAE responde katak sei aprezenta kestaun ne’e iha konsellu ministru hodi buka solusaun. Nfm
