FEATUREDIkus LiuNewsSeguransa

Kandidatu F-FDTL Tenke Test Swab Molok Teste Fisiku

Fahe Tutan

Nauni Média (Díli), Kandidatu Fanlintil-Forsa Defesa De Timor-Leste (F-FDTL), Sira ne’ebé maka liu ona seleksaun dokumentus tenke aprezenta dokumentus test swab, Molok ba teste fisiku no mediku iha sentru formasaun Nicolau Lobato, Metinaru.

“Kandidatus sira ne’ebé maka liu ona seleksaun dokumentus tenke lori mos sira nia sasan rasik tantu feto no mane, hanesan kalsa jinastiku ho sapatu jinastiku inklui lori ho dokumentu test swab hodi aprejenta ba ekipa komisaun” Dehan Vise Prezidente Komisaun rekrutamentu F-FDTL tinan 2021, Tenente Coronel, Costancio Moreira, Liu husi komferensia impresa, iha Kuartel Jeral Fatufada Sabdu (29/05).

Nia haktuir, Liu husi meiu ida ne’e hakarak informa kona-ba horariu ne’ebé publika ona iha munisipiu 12 inklui Rejiaun Administrativa Espesial Oe-Cuse Ambenu (RAEOA), Hodi bele mai konsentra hamutuk iha Kuartel Jeral iha horas tuku 14:00 otl.

“Aplikante sira obrigatoriamente mai konsentra iha fatin konsentrasaun tenke hatudu dokumentus test swab ba ekipa ne’ebé preparadu ona atu simu aplikantes sira hodi partisipa iha teste tuir mai” Nia Afirma.

Dokumentus test swab ne’ebé aprejenta tenke ninia kondisaun tenke validu.

Hau husu ba kandidatu sira atu hakbesik an ba sentru saúde ne’ebé iha teritoriu laran tomak,Liliu ba ekipa ne’ebé instala ona iha munisipiu sira, nune’e bele hetan swab antes loron tolu sira atu mai tuir test.

“Aplikantes sira lalika laran taridu, Se karik ba swab maka pozitivu foti numeru telefone, mai tau iha numeru seri haruka mai iha komisaun, ita bo’ot sira sei tuir teste iha tempu tuir mai” Tenik nia.

Maibe Tenete Coronel ne’e hatutan, ba dala tolu maka se koko pozitivu nafatin komisaun sei la tolera, tamba komisaun iha deit tempu loron 40.

Aleinde Komisaun mós prepara numeru hot line hanesan 77386857 da sidadaun sira ne’ebé halo reklamasaun bele husu informasaun liu husi numeru. Latu

Leave a Reply

Your email address will not be published. Required fields are marked *