FEATUREDIkus LiuNewsSaude

LBF ho Water Aid Selebra Loron Menstruasaun Mudial Feto iha-Manufahi

Fahe Tutan

Naunil Media (Manufahi), Loron sesta (28/05) Luta Ba Futuru (LBF) serbisu hamutuk ho auzensia internasional Water Aid hodi realiza aktividade ba selebrasaun loron mundial mestrusaun ba feto iha mundu inklui iha Timor-Leste liu-liu iha munisípiu Manufahi ne’ebé halo iha eskola 30 ciclo ensinu bazíku Filial Fatukahi, postu Administrativu Fatuberliu munisípiu Manufahi.

 Iha fatin hanesan jestór prozec operasional Luta Ba Futuru LBF, Domingos Rodrigues, sublina, eventu ba loron ida ohin importante tebes ba feto sira iha mundu inklui iha Timor-Leste espesial liu iha manufahi tanba programa ida ne’e hala’o fundasaun luta ba futuru hamotuk ho Water Aid Austrália iha Timor-Leste hodi selebra loron mundial menstrusaun, ho objetivu husi eventu ida ne’e mak atu fó hanoin ba labarik feto sira ne’ebé mak ho idade produtivu sira bele hatene ona kona-bá, saida mak menstrusaun ne’ebé lolos, no sira bele zere ijenenikamente menstrusaun ne’e rasik”, Dehan Domingos Rodrigues ba jornalista sesta  iha eskola 30 Ciclo Ensinu bazíku Filial Fatukahi postu administrativu Fatuberliu munisípiu Manufahi

 Nia hatutan, feto sira hasoru problema menstrusaun dalaruma sira soe deit, maibe sira la kuidadu no soe deit impaktu ba laran kaer hodi ba kaer fali hahan hodi fali impaktu ba ita nia saúde, taun ho komemorasaun ida ne’e hanesan meius sensiabilizasaun ida ba foin sae sira atu nune’e sira bele kuidadu ka maneza individualmente ba menstruaun bainhira akontese Dehan Domingos Rodrigues

 Nia akresente, alende aktividad ida ne’e ami kria mós seminar Zoom ho nia parseiru Water Aid ne’ebé mak serbisu iha Timor-leste, ho espesialista kona-bá mestrusaun nia iha ministeriu saúde nian bele fó esplika atu nune’e foin sae sira iha konhesementu ba ida ne’e.

   Reprezentante koordenador eskola 30 Ciclu Ensinu Bazíku Filial Fatukahi Abel Fernandes, Hateten sente apresia tebes no orgullo tebes tanba programa ida di’ak no sai hanesan referensia bo’ot ida hodi fó motivasaun bo’ot ida ba estudante sira ne’ebé ke durante la dun koñese saida mak menstrusaun.

 “Menstrusaun bele kria problema bo’ot ba labarik sira tanba hanesan buat foun ida ba sira foin mak aprende, ho ida ne’e preisiza tebe-tebes hodi komvoka sira nia hanoin bele konhese liu tan menstrusaun ninia lalaok hanesan ne’e”, Katak Abel.

Nia parte husu nafatin ba luta ba futuru  no saúde ba futuru oin mai, karik iha tempu se nafatin iha portunidade ami husu bele halao tan dala ida atu nune’e bele halo sosializasaun emrelasaun ho menstreusaun tanba ida ne’e importante tebes ba feto sira nia kondisaun saúde, Nia hakotu. NFM

Leave a Reply

Your email address will not be published. Required fields are marked *