PR “Lú Olo” Preokupa Povu TL La-Respeita Pesoal Saúde Sira Nia-Servisu
Naunil Media (Díli), Prezidenti Repúblika (PR) Francisco Guterres “Lú Olo”, Hateten nia parte prokupa populasaun Timor-Leste la respeita ona pesoal saúde sira nia servisu hodi kombate Covid-19.
“Prezidente Repúblika preokupa tebes bainhira populasaun la respeita pesoál saúde ne’ebé tau matan no proteje sidadaun loron-loron”, Hateten xefe estadu Francisco Guterres “Lú Olo” liu husi komunikadu imprensa ba renivasaun Estadu Emerjénsia ba dala XIV iha Palásiu Prezidenti Nicolau Lobato Bairru Pite, domingu (30/05).
Prezidente Repúblika mós hateten tenke respeita mós servisu forsas defeza no seguransa sira.
“Futuru saída mak País ne’e sei iha bainhira ema la respeita forsas defeza no seguransa? Futuru saída mak ita sei hetan ba foin-sae sira ne’ebé fila kotuk ba siénsia no monu lalais deit ba teória nega de’it no ba konspirasaun no rumor ne’ebé sira lee iha media social”,Tenik PR “Lú Olo”.
Prezidente Repúblika hateten iha ninia mensájen ba Parlamentu Nasionál bainhira husu autorizasaun atu renova estadu emerjénsia hahú husi zero oras, 2 juñu 2021 (kuarta-feira) to’o 23 oras 59 minutus 1 jullu 2021 (kuinta-feira), iha territóriu nasionál tomak.
Nia parte husu figuras públikas ho responsabilidade labele hateten katak sira hadomi povu no preokupa ho moris-di’ak no saúde povu nian maibé la kumpri fali regras bázikas ba protesaun hanesan distansiamentu sosial no uza máskara ka la respeita konfinamentu domisiliáriu, ho motivu ne’ebé de’it ka ho hanoin ba sira nia an de’it.
Ikus liu, nia dehan situasaun iha Timor-Leste preokupante tebes ohin loron. Bainhira Prezidente Repúblika hato’o mensájen ba Parlamentu Nasionál, Timor-Leste iha hela kazu ativu konfirmadu 2666 husi total 6014 sura hamutuk husi marsu 2020 no ema nain-14 mak moras todan ho kauza oin-oin no mate no iha mós vírus Covid-19 nian, Nia hakotu *Jos
