PLP ho UDT Husu Governu Rekruta Tan Membru Foun PNTL
Naunil Média (Díli), Bankada Partidu Libertasaun Popular (PLP) ho partidU Uniaun Demokrátiku Timorense (UDT), husu ba governu atu rekruta tan membru foun Polísia Nasionál Timor-Leste (PNTL) hodi asegura seguransa rai laran.
Vise Prezidenti Prlamentu Nasionál (PN), Deputada Partidu Libertasaun Popular (PLP), Maria Angelina Sarmento Lopes hateten, “Governu presiza rekruta tan polísia foun, tanba númeru Polísia la sufisiénte atu kobre iha área sira hotu”, Hateten reprezenta povu ne’e iha plenáriu uma fukun Parlamentu Nasionál (PN), segunda (31/05).
Nia hatutan, iha ámbitu estensaun estadu emerjénsia no serka sanitaria bebeik, mak halo ita-nia elementu polísia sira la to’o atu halo kobertura ba área sira.
“Rekrutamentu ne’e labele realiza iha tinan 2021,maibé iha tinan 2022 governu bele tau orsamentu atu halo rekrutamentu”, Nia nia.
Iha fatin hanesan, Partidu Uniaun Demokrátiku (UDT), Deputadu Francisco David Carlos, husu governu atu loke vaga ba membru polísia presiza hatene kandidatura sira nia background.
“Ho Test ba ema ne’ebé kandidata ba PNTL, buka tuir husu sira nia beiala, sira-nia viza avon, no sira-ninia inan aman, tanba barak ne’ebé agora sei milísia hela iha atambua”, Hateten nia. Ana
