FEATUREDGeralIkus LiuNews

Espoza PR Vizita Uma Mahon F-FCJ Oratoriu Dom Bosco Balide

Fahe Tutan

Naunil Media (Díli), Espoza Prezidenti Repúblika Cidália Nobre Lopes  Mouzinho Guterres, Hateten  Ohin halo vizita ba orfonatu uma mahon Organizasaun Fundasaun Forum Komunikasaun Juventude (F-FCJ) Oratoriu Dom Bosco hodi fahe mós nesesidade bazíka.

“Vizita ida ohin la’os da uluk, maibé vizita iha fatin ida   ne’e dala ba dala tolu ka haat ona, i durante tinan rua ka tinan tolu  ne’e ami laiha vizita tanba programa seluk ne’ebé ami halo, i ha’u hakarak informa ba ita bo’ot sira katak, Gabinete Apoiu Atividade Konzuje nian halo parseria liu liu ho parte edukasaun nia hanesan, ohin Diretór rasik hato’o katak parseria ida ne’e ami fó apoiu atu selu alin kiik oan sira, ne’ebé mak eskola hodi selu sira nia  eskola no mós sosa material eskola nia hanesan farda no seluk tan”, Hateten  Espoza Prezidenti Repúblika Cidália Nobre Lopes  Mouzinho Guterres  ba jornalista sira iha Balide, tersa (01/06).

Iha vizita ne’e Espoza Prezidenti Repúblika Cidália Nobre Lopes  Mouzinho Guterres kontenti tebes haree estudante sira ne’e mesak matenek maske sira hasoru situasaun difisil sira nafati esperitu hodi estuda.  

“Kuaze alin sira hetan nota di’ak ida ne’e hatudu katak mesmu sira hasoru situasaun difisil iha sira nia moris, maibé sira iha vontade nafatin atu aprende no kontinua sira nia estudu,  balun ne’ebé mak família ekonómia la sufisente gabinete kontinua tau matan, maibé la’os tau matan de’it iha fatin ne’e maibé ba mós fatin seluk”,  Hatete Espoza PR Cidália Nobre Lopes  Mouzinho Guterres.
Espoza PR ne’e haktuir, la’os Tau matan deit labarik orfonatu Balide, maibé ajudu mós alin sira ne’ebé iha Tibar liu liu ba labarik sira ne’ebé mak bain-bain hili foer, no mós ba labarik sira ne’ebé mak ekonómia la sufisente.
Reprezentante Uma Mahon Ana Paula Maria de Jesus, Hateten  lori organizaniasaun nia naran hato’o mós agradese ba espoza PR, ne’ebé mak ho laran luak vizita ona kikuan sira no agradese mós ba Espoza tanba bele ajuda ona sira, liu husi tau matan ba Eskola no seluk tan.


“Ami laiha buat ida mak atu hato’o ba inan doben maibé ami reza de’it atu Nai haraik vida haruka saúde di’ak hodi tau matan ba ami” , Katak nia.

Labarik sira ne’ebé mak hela iha uma mahon Organizasaun Fundasaun Forum Komunisaun Juventude F-FCJ Oratoriu Dom Bosco Hamutuk 40 Maioria husi feto. *Jos

Leave a Reply

Your email address will not be published. Required fields are marked *