PD Postu-Maubara Apoiu Foos 500- kg ba Aldeia-Rua iha Gugleur Hodi Kee-Dalan
Nanuil media (Maubara), Partidu Demokrátiku apoiu foos 500-kg ba komunidade iha ladeia rua Caicasa, Palistla iha suku Guglaeur, postu Maubara, munisípiu Liquiçá hodi kee dalan.
Koordenadór Partidu Demokrátiku postu administrativu Maubara, munisípiu Liquiçá José Boavida Simões, Hateten situsaun pandemia Covid-19 komunidade sira susar hetan osan, tanba ne’e iha situsaun pandemia PD buka dalan hodi apoiu komunidade rua ne’e hodi apaiu foos 500-kg nune’e sira bele konsume durante sira servisu hodi kee dalan, tanba dalan iha mak bele fasilita komunidade sira nia produtu hodi bele asesu ba merkadu iha suku.
“To’o agora komunidade rua ne’e kee estrada maibé seidauk hetan apoiu ruma husi governu, PD haree situasaun ida ne’e povu sira sofre, tanba situasaun pandemia ema labele sai susar sira hetan osan, sira esforsu an hodi kee dalan ne’e kareta ka motor bele liu, sira bele lori sira nia produtu lokal hanesan aifarina, hudi, sabraka no seluk tan, nune’e sira bele lori mai faan iha merkadu suku nian, hodi hetan osan, durante sira la asesu ba estrada sira labele hetan osan hodi sustenta sira nia família, PD haree ba situasaun ne’e susar tebes ba sira ho hanoin ida ne’e PD apoiu foos 500-kg maske hituan ka barak PD bele hakman sira”, Hateten koordenadór PD postu Maubara José Boavida Simões ba Naunil Media, tersa (01/06).
Nia hatutan PD nafatin buka dalan hodi apoiu komunidade sira tuir prinsipiu partidu nian harii nasaun husi baze.
“PD nafatin buka dalan hodi apoiu komunidade sira, ba buat ne’ebé sira presiza tanba PD iha nia moto katak harii nasaun husi baze”, Tenik nia.
Tuir xefí aldeia Caicasa Agusto Filipe agradese ba Partidu Demokrátiku husi koordenadór PD postu Maubara, ho laran luak apoiu foos 500 kg, mai iha aldeia Caicasa no aldeia Palistla hodi han durante kee dalan.
“Ami apresisa tebes ba apoiu ida ne’e maske naton, maibé responde ona ami nia kbiit hodi bele konsume durante servisu hodi kee dalan ida ne’e, nudar xefí aldeia reprezenta komunidade aldeia rua nian, husu agradese ba Partidu Demokrátiku husi postu Maubara nian, ho laran luak apoiu foos 500-kg mai iha aldeia rua iha suku Gugleur hodi bele konsume durante servisu”, Hateten xefí aldeia Caicasa liu husi via telefone ba Naunil Media iha aldeia Caicasa suku Gugleur Postu Maubara, munisípiu Liquiçá, tersa (01/06).
Xefí aldeia ne’e hatutan, durante kee dalan ne’e komunidade sira mak halibur hahan nune’e bele han iha tempu kee dalan, maibé ho situasaun pandemia Covid-19, serka sanitária komunidade sira susar hetan osan hodi bele sosan nesesidade, ho ida ne’e hetan apoiu husi funsionriu sira husi aldeia rua nian, inklui PD postu Maubara nian.
Xefí aldeia ne’e hateten durante tinan barak ona kompaña barak mak ba sukat ona, na realidade nunka realiza hodi loke dalan ne’e.
“Dalan ne’e durante tinan barak ona kompaña sira mai sukat ate ohin loron la hetan rejultadu, ikus mai komunidade rua deside kee ho liman, maibé iha tempu udan sei la utiliza dalan ne’e tanba rai monu taka tomak dalan ne’e to’o aat hotu, ami husu nafatin governu bele tun mai haree rasik povu rua ne’e nia halerik, hodi bele tau matan ba estrada”, Dehan xefí aldeia Agusto Filipe.
Nia haktuir, dalan ne’e ami kee ba faze primeiru motor mak bele liu, maibé kareta labele liu tanba ami la iha kbiit atu kee dalan ba kareta nian, ami hein ba hein governu seidauk respode to’o ohin loron, ami iha inisiativa rasik hodi kee tan nune’e kareta bele liu to’o aldeia tuir ami hotu nia esperansa.
Dadus populasaun iha aldeia Caicasa no aldeia Palistla.
Total poulasaun iha ladeia Caicasa hamutuk : 2265
Uma-kain total hamutuk : 158
Total populasaun iha aldeia Palistla hamutuk: 358
Total uma-kain hamutuk : 80. Lop
