Uma Kain 788 iha Comoro Hetan Apoiu Material Husi SEPS
Naunil Media (Díli), Sekretáriu Estadu Protesaun Sivil (SEPS sigla portugés) Joaquim Gusmão Martins, Informa vitíma dezastre naturais hamutuk uma kain 788 iha suku Comoro postu administrativu Dom Aleixo,munisípiu Díli simu ona apoiu ekipamentus konstrusaun uma nian.
“Ohin ita mai iha suku Comoro simu dadus husi autoridade lokal no autoridade munisípui Díli hamutuk uma kain 788 mak hetan estragus husi inundasaun foin lalais ne’e”, Informa SEPS Joaquim Gusmão Martisn ba jornalista iha sede suku Comoro hafoin entrega simbolikamente ekipamentus ba vitima sira, segunda (31/05).
Nia hatutan, dadus ne’ebé sekretáriu estadu protesaun sivil simu husi autoridade lokal suku Comoro hamutukuama kain 788 mak afetadu ba inundasaun iha fulan rua liu ba ne’e.
“Ho kategoria hanesan,hela fatin ka uma hetan estragus total ne’e hamutuk uma
kain 533, estagus kaman hamutuk 131 no a’at naton hamutuk 124”, Dehan nia.
Iha parte seluk vitíma Benansio de jesus, agradese ba Seps maske Timor-Leste infrenta hela pandemia Covid-19, maibé governu nafatin esforsu hodi taun matan ba nia povu.
“Maske ita nia rain hasoru hela moras Covid-19 ne’e, maibé governu liu
husi sekretáriu estadu protesaun sivil nafatin esforsu hodi bele apoiu material
uma nian”, Hateten Benasio.
Tuir pakote rekoperasaun husi sekretariu estadu protesaun sivil nian vitima sira ne’ebe hetan uma estragus total sei hetan mos apoiu osan ho montante $368.00 kada uma kain ida,inklui ekipamentus konstrusaun.
Alende ne’e,vitima ne’ebe kategoria estragus naton no kaman sei simu deit osan ho montante $150.00 dolar amerikanu kada vitima ida.ho ekipamentus kontrusaun nian maibe la inklui semente.
Ekipamentus ne’ebé Seps destribui ba vitíma uma estragus total hanesan kalen tahan 50,s ementi sakas 25, Besi beton 8 mm 10 Barra, Besi 10 mm 12 barra, Pregu kalen 2 kg, pregu 12cm 2 kg, pregu 7cm 4 kg no arame finu rolu 2.
Husi Pakote material konstrusaun ne’ebé destribui ne’e ba kada vitima ne’ebé ho kategoria aat total nain 1 gasta osan montante hamutuk $477.75 dollares Amerikanu. Ana
