Governu Sei Sosa Karreta Patrolamentu 25 Ba Eskuadra PNTL
Naunil Média (Díli), Governu liu husi Ministériu Interior (MI), Sei sosa karreta patrullamentu hamutuk unidade Rua Nolu Resin Lima (25), Ba eskuadra Polísia Nasionál Timor-Leste (PNTL), sira iha territóriu tomak.
“Polítikamente MI hamutuk ho PNTL sei hare’e atu sosa tan karrreta 25 iha tinan oin, hodi bele fahe ba eskuadra sira ne’ebé mak seidauk hetan”, Dehan Vice Minitru Interior VMI, António Armindo, ba Jornalista hafoin halo inspensaun ba karreta sira iha Komandu jerál PNTL Kaikoli, tersa (01/06).
Nia haktuir, Planu sosa karreta ne’e atu bele fasilita PNTL halo servisu hodi ezekuta implementasaun Estadu Emerjénsia EE, Nó mós preparasaun ba kampaña polítika Eleisaun Prezdénsial iha tinan 2022 nó mós iha Eleisaun Parlamentár.
“Tamba inspesaun ne’ebé halo direta ba karreta hamutuk 21 ne’ebé kondisaun diak, nó tuir planu komandu jerál sei distribui ba postu polísia nó eskuadra sira ne’ebé seidauk iha transporte” Tenik nia.
VMI ne’e hatutan, Inspesaun ne’e, atu haree kona-bá baze de dadus ba uzu veikulu ne’ebé rejista, Nune’e bele mantein nia efisiente nó efikas ba prosedimentu jestaun patrimóniu atu rejistu.
“Ida seluk mak atu hare’e kondisaun fízika veikulu sira ne’ebé integra iha MI tomak, tamba inspesaun ne’e importante hodi kompleta dadus ne’ebé iha no ita konsidera karreta hirak ne’e seidauk sufisiente ba PNTL, nia esplik
Ho ida ne’e, sei kontinua halo kooperasaun ho doadór sira nó parseria dezenvolvimentu sira ne’ebé akreditadu iha TL atu kontinua fó apoiu balu ne’ebé MI ho PNTL presiza.
“ Ha’u hanoin sistema kontrola ne’e importante tebes, karik identifika buat balun bele rekomenda hodi resolve kedan antes ita entrega ofisial ba PNTl. Maibé ohin iha inspesaun ne’e notifika karreta hotu nó kondisaun di’ak falta mak xapa matrikulár.” Dehan nia.
Maibé husu ba Komandu PNTL bainhira entrega veikulu hirak ne’e, husu atu halo treinamentu ka briefing ba motorista sira nune’e bele nafatin iha kontrola karreta sira nia kondisaun labele at lalais. Latu
