General Lere; Forsa Foun Inan Aman iha Indonesía Labele Bosok
Naunil Media (Díli), Antes ne’e deklara ona ba públiku katak se mak sai atu forsa inan aman iha Indonesía labele sai forsa, Ohin Komandante Falintil Forsa Defeza Timor-Leste (Falintil-FDTL) Tenente General Lere Anan Timur nafatin deklara se mak sai forsa tenke honestu labele bosok inan aman iha Indonesía koalia hodi bele hatene.
“Atu sai militar tenke honestu labele bosok, kualia de’it dehan ha’u nia inan aman iha Indonesía para ita bele kuiñese”, Hateten Komandante Falintil Forsa Defeza Timor-Leste (Falintil-FDTL) Tenente General Lere Anan Timur ba jornalista sira hafoin sorumutuk ho Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairru Pite, kuarta (02/06).
Funu nain 24 anus Tenente General Lere Anan Timur, hateten atu inan aman iha rai liur ka iha rai laran, naran katak nia sidadaun Timor-Leste, maibé ami mós sei haree.
“Se iman aman mak iha rai liu ami nian komisaun rekrutamentu iha para atu haree, komisaun sira la halo atividade independente mas sira rona orden husi Estadu Maior General”, Tenik Tenente General Lere Anan Timur.
Lere dehan atu servi instutisaun militar ne’e ema ida tenke iha nasionalisnu, patriotizmu ida ne’ebé tenke domina iha nia fuan, tanba ida ne’e atu servisu ita nia nasaun Timor-Leste.
Ikus liu, nia dehan tanba ita nia lei konstituisaun fó dalan ba sidadaun sira iha direitu atu tuir ho servi nia nasaun, Hakotu Tenente General F-FDTL Lere Anan Timur. Pau