Embaizadór Nova-Zelandia ho CARE-Internasionál Apoiu Fasilidade ba Vitima Afetadu Inudasaun
Naunil Media (Díli), Relasiona ho inudasaun ne’ebé mak akontese iha loron 4 fulan Abril hodi rezulta komunidade barak nia sasan lakon, Ohin Emabiazadór Nova Zelandia iha Timor-Leste Phillip Hewitt Informa material apoiu husi Embaizadór Nova Zelandia liu husi CARE Internationál hodi entegra ba MS tanba NZ iha parseiru forte ho MS.
“Nova Zelamdia Supirta Timor-Leste, tanba Nova Zelandia ho Timor-Leste, tan ne’e mak Nova Zelandia hakarak suporta Timor-Leste hodi responde ba vitima inundasaun sira, no ami hakarak komunidade sira labele okupa husi inundasaun”, Informa Emabiazadór Nova Zelandia iha Timor-Leste Phillip Hewitt jornalista sira iha salaun Palásio das Sinzas Caicoli, kuarta (02/06).
Embaizadór deklara, Nova Zelandia sira apoiu Timor-Leste Orsmentu hamutuk millaun U$1.8 , iha sasan Umanitaria no sira mós servisu hamutuk ho CARE no MS ba distribui sasan ba komunidade vulneravel sira.
Tuir Diretór l Prestasaun Saúde, Alipio Gusmão Lopes, Hateten liu husi Embaizadór Nova Zelandia ho CARE Internasionál iha Timor-Leste apoiu fasilidade ba vitíma afetadu inudasaun.
“Objetivu husi atividade ohin maka embaizadór Nova Zelamdia ho ekipa husi CARE Internasionál hand over hela ekipamentus balun, liga ho situasaun ne’ebé mak hasoru depois de inundasaun, dalaruma ita afeta kontaminasaun husi bee, entaun ohin loron hetan suporta ida ne’e sira fó jerken hodi forfikasaun bee moos ho di’ak nune’e bele konsumu, bainhira iha labarik sira problema oinsa atu bele fó suplementu hodi nune’e bele suplementa sira nia isin bele di’ak”,Informa Diretór ba Diretór Jerál ne’e hatutan, entrega material husi parte internasional sira ne’e hodi ajuda ministériu saúde atu nune’e bele halo prevensaun ho di’ak ba dezastre ho pandemia Covid-19.
“ohin halo hand over husi embaizadór Nova Zelamdia ho ekipa CARE
Internasionál, hodi bele ajuda Ministériu saude atu bele prevensaun ba iha
dezastre naturais ho pandemia Covid-19. Tanba dala ruma povu balun atu hetan
bee-moos susar tebes, entaun bee-moos ne’ebé besik ita, tau de’it ba iha tableta
aimoruk ne’ebé mak iha hodi nune’e
populasaun sira ne’e bele konsumu bee ne’e hodi hafasil sira nia servisu”,
Nia esplika.
Nia akresenta, Ohin loron hetan de’it apoiu husi Nova zelamdia ho care, maibe ba oin parseiru sira seluk mos sei suporta Timor-Leste, atu nune’e iha futuru ministériu saúde bele servisu ou halo intervensaun ida di’ak liu. RIT
