Lere: Seidauk Hetan Kontaktu Husi Partidu Ruma Atu Kandidata Ba PR
Naunil Média (Díli), Xefe Estadu Maior Falintil-Forsa Defeza Timor-Leste (F-FDTL), Tenenti Jeneral Lere Anan Timur Informa, seidauk hetan kontaktu no aprosimasaun husi Paridu sira iha Timor-Leste atu kandidata A’an ba Eleisaun Prezidensial.
Antes ne’e espala ona iha média sosíal partidu balun atu lori Lere Anan Timur hodi ba compete iha festa demokrasia ne’ebé estadu TL sei hala’o iha tinan 2022.
Maibé Lere Afirma, Sei dúvida ba informasaun ne’ebé viral iha media sosial kona-ba Paridu sira kandidata nia ba Prezidente Republika iha Eleisaun Prezidensial, Tanba seidauk iha Partidu ida maka koalia ho nia.
Xefe Estadu Maior F-FDTL Tenenti Jeneral Lere Anan Timur kasu lia hirak ne’e ba jornalista sira, hafoin reuniaun ho Prezidente Republika Francisco Guteres Lu’Olo, iha Palásiu Prezidensál Bairo Pite, tersa (02/06).
“Ami Iliomar ne’e dehan hanesane bainhira meda sidauk mate ne’e keta taa lai hau, Meda mai tiha mak o taa hau, Agora hau sidauk hatene tan ema ida la hasoru no, hau mos la koalia tan, Ne’e politiku sira mak koalia maibe hau nia hanoin seidauk to’o iha ne’ebá.” Dehan Lere ho oin hamnasa
Nia haktuir, Atu sai PR ka soldadu hotu hotu iha dever no obrigasaun tenke hamutuk servi Estadu, Ami nain hira hatudu ona 24 anos iha ailaran.
“Hau kandidata karik laos hau maka kandidata a’an maibe partidu hotu hotu iha TL bele kandidata hau, Tantu FRETILIN PLP inklui KHUNTO tanba hau iha relasaun diak ho sira.” Tenik Lere Anan Timur.
Ikus liu Lere dehan, Ate agora seidauk hatene atu kandidata a’an, tanba seidauk hetan aprosimasaun husi partidu sira, ate sira tauk tan koalia ho hau. Latu
