SEPS ho Cruz-vermellia Apoiu nesesidade ba Vitíma Inudasaun iha Caicoli

Naunil media (Díli) Relasiona akontesomentu inundasaun ne’ebé akontese iha loron 04 fulan Abril, Seretáriu Estadu Protesaun Sivil (SEPS sigla portugés) no Cruz vermellia Timor-Leste halo apoiu   nesesidade ba vitíma inundasaun iha suku Caicoli.

Tuir Xefí Departamentu Emerjénsia Sekretariu Estadu Protesaun Sivil (SEPS) Carmelinda Pires, Hateten ohin kontinua halo servisu de’it ona tanbà loron ohin kobre de’it ba 100 resin tanbà haree ba estok foos no sasan sira seluk.

“Ohin ne’e halo kontinuisaun de’it ona ba iha aldeia 3, iha sira nia dadus ne’e 497, maibé ohin kobre de’it ba 100, tanba estok foos ne’ebé  ami rai iha aramejen Bemori “, Dehan Xefí Departamentu Emerjénsia SEPS ba jornalista Naunil Media iha sede suku Caicoli, kinta (03/06).

Nia mós Informa aban sei kontinua fahe hahan ba Sira hirak ne’ebé mak seidauk simu, no nia mós rekoiñese hahan hirak ne’ebé sira la kompletu tanbà estok iha armajen mak la iha ona.

“Ami mai ho hahan ne’ebé mak oferese mai ne’ebé la kompletu duni sim kalaru matak iha fulan kotuk ba ho item ne’ebé mak kompletu, maibé ohin loron Item la kompletu, tanba estok iha armajen la iha duni ho mina ho super-mie,  maibé ami avansa duni ho Item sira ne’ebé mak iha ne’e”, Dehan Nia

Nia mós Informa la’os distribusi sasan iha Díli de’it, maibé ba mós munisípiu sira seluk ne’ebé afeita ba inundasaun.

Iha Fatin hanesan Xefí suku Caicoli Hipolito Marques Sarmiento, Informa husi akontesomentu ne’ebé akontese iha loron 04 fulan Abril liu ba estadu mai apoiu nesesidade ba dala rua ona iha Suku Caicoli.

Pakote hahan ne’ebé Mak oferese husi Sekretáriu Estadu Protesaun Sivil (SEPS) no Krus Vermellia Timor-Leste hanesan  Fos, Sardinia, biskuit,kafe no masimidar. Ivo