ORHF Kondena Oknum Polísia Tiru Komunidade Na’in-2 iha Lahane, Husu-Reforma
Naunil Media (Díli), Relasiona ho akontesimentu oknum polísia nasionál Timor-Leste (PNTL), tiru mate komunidadi na’in 2 iha Lahane, Postu administrative Cristu Rei, munisópiu Díli, sabadu 05/06/2021, Prezidenti Organijasaun Rezisténsia Hadomi Fretilin (ORHF) Abolio Mesquita “Dalas-Mausoko” kondena maka’as aktu brutalismu husi oknum polísia Ajente xefí ho inisial MJ ne’ebé tiru mate sidadaun na’in 2 iha Lahane.
“Ami kondena maka’as aktu brutalismu ida ne’e, no husu ba orgaun kompetente sira atu halo investigasaun klean hodi hatene justisa no imparsialidade, tanba ne’e ORHF husu atu halo reforma iha PNTL nia laran ho urjénsia, hodi hadi’a instituisaun no membru tomak nia atetude nune’e serbi di’ak liután ita-nia povu tuir lema PNTL “Servir e Proteger. la’ós atu halo asaun lori kilat nasaun nian oho fali nia povu rasik, muito menos hanesan veteranu ida ne’ebé mak kontribui ona ba luta independensia rai Timor-Leste,”.Dehan Prezidenti ORHF Abolio Mesquita “Dalas-Mausoko” liu husi Komunikadu ba imprensa ne’ebé Naunil Media asesu Sabadu (05/06).
Abiliu hateten husu ba governu liu husi Ministru Interior atual Primeiru Ministro Taur Matan Ruak atu halo reforma ba instituisaun Polísia Nasionál Timor-Leste (PNTL).
“Tanba ne’e, organijasaun massa ORHF husu ba governu liu husi Ministru Interior atual Primeiro Ministro Taur Matan Ruak atu halo reforma ba instituisaun Polísia Nasional Timor-Leste (PNTL), tanba iha membru barak komete aktu brutalismu no hamate sidadaun ho arma estadu nian”, Tenik nia iha kominikadu.
Ikus-liu, Prezidente ORHF-Abilio Mesquita ‘Dallas-Mausoko no Sekretáriu-Jerál ORHF-Joaquim Fernandes’, mós lori estrutura no membru hato’o sentido kondolensia ba família enlutada no Deskansa iha rohan laek saudozu Lorotaek ho nia oan mane Camilo*Jos
