PM Taur Hakfodak Bainhira Haré Membru PNTL Tiru Mate Komuniadade na’in-2 Iha lahane
Naunil Media (Dili),Primeiru-Ministru hanesan mós Ministru Interior, Taur Matan Ruak, lamenta tebes no kondena hahalok elementu Polisia Nasional Timor-Leste (PNTL) ne’ebé mak tiru mate sidadaun na’in rua no ida kanek todan iha Lahane Osidental, sábadu loron 5 fulan-juñu tinan 2021 madrugada ne’e.
“Ha’u hakfodak no triste rona elementu PNTL ida ohin madrugada hodi arma Estadu nian tiru mate ita-nia sidadaun na’in rua no ida kanek todan iha Lahane Osidental, Ha’u la menta i kondena tebes aktu refere. Ita hotu la tolera ida ne’e, i hanesan Primeiru-Ministru no Ministru Interior, ha’u orienta ba Komandu PNTL para dezarma elementu ne’e, hatama ba sela hodi halo prosesu investigasaun,” deklara eiz prezidenti RDTL ne’e liu hosi komunikdu ne’ebé mak fo sai husi media ofisial primeiru Ministru, sabadu, (05/06/2021).
Xefe Governu mós kompremitidu, Governu sei hola medidas ne’ebé forte hasoru elementu Polisia ne’e hodi bele responsabiliza ba aktu ne’ebé nia halo ona, no Governu sei kontinua akompaña prosesu hotu nomós sei apoiu familia matebian nian hodi hetan justisa ba akontesimetu ne’e.
”Iha biban ida ne’e, hodi ha’u-nia naran rasik, no Governu tomak, hato’o mós ami-nia profundas sentidas kondolénsias ba familia matebian nian, no husu deskulpa boot ba familia vítima sira ba hahalok ne’ebé involve hosi elementu PNTL ne’e”, Primeiru-Ministru Taur Matan Ruak,” nia deklara.
Akontesimentu oknum PNTL tiru mate sidadaun nain rua kompostu husi aman no oan mane ida inklui mane foun kanek todan, no dadaun halo hela tratamentu intensivu iha Hospital Nasional Guido Valadares (HNGV).ana
