FEATUREDIkus LiuNewsSeguransa

Trajédia iha Lahane, Komandu PNTL Rekonese Ona

Fahe Tutan

Naunil Média (Díli), Komandante Operasaun Nasionál polísia nasionál Timor-Leste (PNTL) Superintendente Xefí  Polísia Pedro Belo, Informa Komandu    PNTL rekoñese duni aktu brutalízmu ba trajedia iha Lahane Osidentál ne’ebé envolve direta husi oknum polísia ida hodi hamate vitima na’in rua lakon vida, no ida hetan kanek todan sei halo tratamentu intensive iha Hospital nasional Guido Valadares.

“Akontesimentu ne’ebé mak ita hotu akompaña iha tuku 2 madrugada iha suku Lahane, akontesimentu iha ne’eba, komandu rekoñese duni katak iha duni ema na’in-rua mak mate iha ne’ebá, no ida hetan kanek todan, maibé, hafoin akontesimentu ne’e komandu PNTL halo ona asaun liu husi prosedimentu kriminal no dixiplinár”, Superintendente Xefí  Polísia Pedro Belo, ba jornalista liu husi konferénsia imprensa iha komandu jerál Caicoli, sabado (05/06).

Nia hatutan, iha prosedimentu kriminál, Komandante Jerál PNTL, Komisáriu Faustino da Costa, ho orienta ona parte Polísia Nasionál Servisu Investigasaun Kriminal (PNSIK) hamutuk ho Polísia Siéntifika Investigasaun Kriminal (PSIK) hodi hala’o prosesu inisial ne’ebé hala’o hela.

“Ita hotu hein katak iha tempu besik mai sira bele remata ho prosesu tomak hodi entrega ona baministériu públiku, depois husi parte ministériu públiku mak sei entrega ba tribunal, juiz mak bele foti desizaun ba ida ne’e”, Hateten nia.

Nia dehan, maske sei iha prosesu inisial laran, maibé lei dixiplinar fó dalan ba komandante jerál PNTL atu bele foti asaun balu ne’ebé sei mosu iha tempu badak.

Nia afirma Hakarak atu fó hatene katak, kazu ne’ebé iha relasaun ho mate ou kanek, prosesu no finalidade iha hotu tribunál. Maluk sira imi hotu bele akompaña, ema sira ne’ebé mak envolve direta iha kazu sira ne’e, agora nia paradeiru iha ne’ebé, imi hotu hatene.

Nia haktuir, PNTL iha duni prosedimentu ba uza kilat, la’ós dehan laiha, tanba ne’e mak komandante jerál orienta ona departamentu justisa atu hala’o prosesu inisial ne’ebé mak oras ne’e la’o hela, tanba ne’e la’os dehan lei mak la forte, maibé lei forsa mak sidadaun hotu hamri’ik. Nune’e prosedimentu kriminal la’o, siknifika iha investigasaun nia liman, nia la’os iha fatin seluk.

Nia dehal, Husi prosesu ne’e la’o duni ninia prosedur investigasaun ne’e la’o, oinsá mak la’o iha ne’ebá, hothotu akompaña, hein bainhira aprezenta ba tribunál.

“Imi hotu bele ba hein iha ne’ebá, para hodi bele hatene loos katak la’o ne’e oinsá. Buat ida segredu justisa ha’u la’o fakar fali iha ne’e. Ita hotu akompaña de’it, oras ida nia desizaun ne’e oinsá, ita hotu bele rona iha ne’ebá”, Tenik  nia.

Entretantu, kazu tiru mate vítima, Filomeno de Deus ho nia oan mane Camílio de Deus inklui hakanek nia mane-foun Januário Pereira, akontese iha sabadu (05/06), maizumenus tuku 02:12 madrugada (kalan- bo’ot) iha Aldeia Ainitas-Hun, Suku Lahane Osidentál, Postu administrativu Cristo Rei, munisípiu Díli. Ana

Leave a Reply

Your email address will not be published. Required fields are marked *