Kazu Lahane, Akademista Camilo Presiza Hadia Estatutu PNTL
Naunil Media (Díli), Relasiona ho akontesimentu oknum Polísia nasionál Timor-Leste (PNTL) tiru komunidade na’in rua iha Lahane Ocidental, postu administrativu Vera Cruz, munisípiu Díli, iha loron 5 fulan Juñu 2021, Akademista Dekanu Fakuldade Siénsias Sosiais, Universidade Nasionál Timor Lorosa’e (FCS-UNTL) Camilo Ximenes Almeida presiza hadia estatutu polísia nasionál Timor-Leste (PNTL).
“Tuir ha’u nia haree atu hadia polísia nasionál Timor-Leste (PNTL), prezisa kria grupu independente ida hodi haree sira nia estatutu Polísia nasionál Timor-Leste (PNTL) ne’e rasik”, Hateten Dekanu (FCS-UNTL) Camilo Ximenes Almeida ba Naunil Media liu husi Whatsapp, domingu (06/06).
Nia hatutan, haree mekanismu rekrutamentu ba membru polísia sira, no haree rekezitus ne’ebé hirarkia polísia uza hodi halo promosaun.
Dekanu FCS-UNTL Camilo Ximenes Almeida hateten presiza kria eskola ida ba PNTL hodi sira bele aprende.
“Kria eskola ka akademia polísia hodi ema eskola no formasaun adekuade antes atu promove sira”, Tenik nia.
Ikus liu hahu halo sosialisaun ba sosiedade sira katak ema ne’ebé mak atu tama ka rekruta ba PNTL sira ne’ebé laiha relasaun ho arte marsiais, Nia hakotu.
Akontesimentu ne’e ema na’in rua mate, no na’in ida seluk kanek todan, dadaun ne’e halo hela tratamentu intensivu iha Hospital nasionál Guido Valadares Díli (HNGD). Lop
