EdukasaunFEATUREDIkus LiuNews

Covid-19, UNICEF Taka Eskola Labarik Sira Sai Beik Hotu

Fahe Tutan

Naunil Media (Díli), Reprezentante United Nations International Children Emergency Fund (UNICEF) Bilal Aurang Zeb Durrani, Hateten desde tinan kotuk taka eskola to’o ohin loron ne’e fó impaktu ladi’ak ba labarik sira hodi aprende.

“Antes ita bo’ot sira hatene katak eskola sira taka desde tinan kotuk, no ohin loron ne’e mak impaktu ladiak ba labarik sira, ita bo’ot sira hatene katak iha tinan kotuk banhira eskola sira hahu taka tiha depois loron 6 ita estabelese fali ona sistema ida programa ida atu bele fó  apoiu labarik sira atu estuda iha uma”.dehan reprezentante UNICEF foun iha Timor-Leste Bilal Aurang Zeb Durrani ba Jornalista sira hafoin remata Introduz Aan ba Prezidente Repúblika (PR)Francisco Guterres “Lú Olo” iha Palásiu PrezidentI Nicolau Lobato kinta, (07/06).

Reprezentante UNICEF ne’e hatutan, tanba ne’e husik programa eskola ba uma ne’e produz ona episode husi 83 episode para atu ajuda Ministériu Edukasaun atu bele fasilita labarik sira estuda iha uma no mós produz buat ne’e liu husi Youtube no aplikasaun sira ne’ebé mak bele la uza internet para atu bele fasilita labarik sira eskola.

Bilal Aurang hateten, maibé familia balun ne’ebé mak eletrisidade mate kalan no balun ne’ebé laiha televizaun, tanba ho dezafiu sira ne’e mak sira emprimi ona matéria balun atu bele ajuda labarik sira estuda iha uma.

“Maski hanesan ne’e Ita mós hasoru desafius barak hanesan konektividade internet nian no mós iha família balun mak eletrisidade mate lakan no mós balun la iha Televisaun atu ultrapassa desafius ida ne’e Ita mós impremi materia sira ne’ebé mak bele ajuda labarik sira estuda iha uma, no mós ita dezenvolve guia ida matadalan ida ne’ebé mak atu ajuda professor sira hanorin labarik sira iha uma”, Katak Bilal Aurang.

Nia afirma UNICEF mós dezenvolve pakote ida kona-bá parente ou inan aman sira iha uma oinsá atu ajuda sira  hodi bele haree ninia oan sira iha uma, no mós hanesan ohin hateten dezenvolve matadalan ida ba professor sira para oinsá atu uza materia sira ne’e para bele oinsá atu hanorin labarik sira iha uma.

Nia dehan, tamba ne’e mak representa UNICEF hasoru Prezidentei Repúblika mós husu ajuda para oinsá atu bele liu husi Ministériu Edukasaun bele hasai despaizu ida ba iha Infordep no mós Edukasaun Distrital sira para atu bele ajuda promove programa eskola ba uma ne’e.

No hein katak materia aprendisazen sira ne’ebé mak ko’alia katak emprimi tiha ona ne’e liu tiha situsaun Covid-19 pandemia ne’e mós labarik sira sei uza nafatin materia hodi aprende iha uma ba nafatin, Afirma nia.

Ikus UNICEF mós simu Prezidenti Repúblika ninia agradesementu bo’ot tebes no Prezidenti Repúblika mós sente kontenti tebes no apoiu nafatin atu iha área Edukasaun saúde nutrisaun no mós iha protesaun labarik nian.*Jos

Leave a Reply

Your email address will not be published. Required fields are marked *